MATIUS 3:9 - PERJANJIAN BARU NALCA YUBA

⁹ Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum!

MATIUS 3:9 Referans Kwoze

LUKAS 3:8

Wera anasa, nunda seleb malya unaʾ ak ab ganya danganaʾ geknewolul aboka, anyek sunuwoka beknaʾ okoka unulululum. Anya ugunja ganya lomok ara, Abraham bera nunja neyung ulumlaʾ anyaʾ seneldanggom mem! Anasa nara ugunuk wenyhenesin, Imik Neyung ara ban girik danaba nimi geboka, Abraham nang yilaʾ dangiyiwanemso!

YOHANES 8:33

Sikda alak, ”Nunda Abraham nang yilaʾ ulumabakanya, nunda yok nimi wa wen nimi danganaʾ orok anasa, anda hekasa ugunda yok blebdangoka seknelum alasilim do?” hyek.

ROMA 4:1

Wera anasa, nunjaʾ neyung yabo sikjaʾ neyung Abraham be hyak youmaʾ ulumoknya bemba dara, hek henemab do?

RASUL 13:26

”Wei, hemyab o, Abraham nang yilaʾ hnon, onoʾ yok nang bok Imik Neyung ak lok ganya boboka anyagan longolum nang nidyaʾ ak lebsin, Ban Imik Neyung adya nim embengaʾ blebsin yub ara, nuk bokol yeilisuk.

LUKAS 16:24

Anasa dubnya bedya lelemokja, neyung Abraham o! Nak angoo yadyek senewanelom e. Lazarus benyek, alja soruk enyek mek ek doronggalyekanya, nadyaʾ silyum ak an dil younululaʾ aboka orugalom. Nara uk lomok an hyak nauba gweklamna bar! alamok.”

YOHANES 8:53

Nunjaʾ neyung Abraham beb, nidyaʾ ununumnaʾ lelemek nang era nidyaʾ seleb somogomek bok lelelamaʾ anasa, anda heknya do? Anda hyak senenggomnya bek ululam, Abraham bera meknya bek, anasa lelelam de?” hyek.

LUKAS 5:22

Wenyaboka Yesus adya sikja seinimekaʾ ara, seleb ella ubsuk dara, ”Ugunda hekasa ugunja ganya lomok an heildalalum do?

MARKUS 7:21

Anasa, nimi ganya lomok ab goblamlaʾ ara, yok-yok malya ganya lanalamla. Ban malya lanalamlaʾ ara, gela salyaʾ salalamak, hokaʾ dolomak, nim olomak, yok nimi gel salalamak,

RASUL 15:14

Simon bedya wen nuk lesilaʾ ara, Imik Neyung adya men youboka Yahudi gom nim eneba nadya mabo silibaʾ danok aboka sik gangganek ab hnon seleb domok adya, sikenek diri ulusuk anyek laga amasuknya nenesa lesil.

LUKAS 19:40

Bok Yesus adya dara, ”Wei, ugunuk hyak dib lebnesin, Sikenek yuba sanaʾ geleganamak dara, wera ban girik danyek yuba sabnemak,” hyok.

LUKAS 7:39

Wenyek Parisinya bera Yesus ak nadya ek sam denenam aboka e bilimoknya bedya an unuwokaʾ anyek eibuk dara, alja ganya lomok seiniwokja, ”Alda ununumnaʾ lenya bek dara, ban unulamla gel genera alda heknya, alda genyaʾ senewoka ella danamso,” senemok.

LUKAS 12:17

Ban bonaʾ dubnya bedya seiniwok dara, Nadya masa ak ab denaʾ doboka beilin e nera orok dal. Nara hekaʾ hubuka beibnamna do senewoka seiniwanamna do? aboka seiniwok.

YOHANES 8:37

Dara, onoʾ Yesus hnon lebokaʾ ara, ”Ugunda Abraham nang yilaʾ ululumaʾ ara eillilisin bok, nadya yub enyek ugunja ganya lomok sam doboka beilinaʾ orok bok adya, ugunda nak obnenobaʾ aboka ulunulumaʾ ara, nara ella ulumna.