MATIUS 28:18 - PERJANJIAN BARU NALCA YUBA

¹⁸ Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MATIUS 28:18 Referans Kwoze

YOHANES 3:35

Imik Neyung adya alja me nek nauba wanaʾ uboka, yokaʾ-yokaʾ nidyaʾ ara, al adya salawolulaʾ aboka elemok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

IBRANI 2:8

yokaʾ-yokaʾ nidyaʾ amba leboka dubnya nenewolum,” aro momnya dobok. Imik Neyung adya nim ek yokaʾ-yokaʾ nidyaʾ amba dubnya nenewok dara, wera hnon yoknya nek nim adya dubnya unggululanya nera hyak unggulumla. Wera ban unuwokaʾ anyek babya, wera nunja kemen dara, nim ara yokaʾ-yokaʾ nidyaʾ ak ara dubnya dangoka bo ulumlaʾ ara hnon eilinggulumab.

1 KORINTUS 15:27

Imik Neyung yuba bukuk sam momnya dobokaʾ ara, ”Imik Neyung adya yokaʾ-yokaʾ nidyaʾ ara, al ulumlaʾ damumduk sam buk siklewok.” Ban nidyaʾ yokaʾ-yokaʾ hyokaʾ ara, nera Imik Neyung nong ak lebnenggom, nera Kristus ak sam buk siklewoknya, Imik Neyung bek lebnenggom.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

IBRANI 1:2

Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.

KOLOSE 2:10

Anya ugunda al lomok ululumaʾ adya hyak munaʾ gobdo pebdaksuk. Hnonda, wenewoka bo usinaʾ, senenggom dub unaʾ nidyaʾ amba dara, alak danyek, huka, dubnya, ulumla.

LUKAS 10:22

”Yokaʾ-yokaʾ nidyaʾ ara neyung bedya nak lebnyok. Nimi nidyaʾ ara me ak ara elgom ulumak bok, neyung anak ok hnonok ella ulunelem. Nim adya dara, anak elgom ulunjak bok, anja me nedya danyek, hnonok ella ulunggen. Anya hek nim ek, me nenedya neyung bera ban aboka neksin nang edyaʾ anaba ella ulunjak,” hyok.

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.

ROMA 14:9

Wera nenesa leboka, Kristus ara seleb somogoka embengaʾ subuk. An unuwoknya nera, alda somoklemak nang ab, or embengaʾ ulumak nang ab, siksamba wenesinya dounun aboka unuwok.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

YOHANES 3:31

”Imik heik ab yeilinanya bera, yokaʾ-yokaʾ nidyaʾ amba dubnya ulumla. Sokok ab yeilinanya bera, nera alda sokok yokaʾanya anasa, alda sokok sam ululanya nenyek seiniro lelelabok, imik ab yeilinanya bera, hyak imik dubnya ulumla.