MATIUS 27:51 - PERJANJIAN BARU NALCA YUBA

⁵¹ Ban salek era, Imik Neyung ek sam wiknelemek boksom akleng perobaʾ ara, imik abaʾ ara sokok gweldek dakok. Anya senenggom sougumaʾ dorogoka, girika nidyaʾ ara salyaʾ joboka lekdo yibuk.

MATIUS 27:51 Referans Kwoze

MARKUS 15:38

Ban salek era, Imik Neyung e lomok sam wiknelemek boksom akleng era, imik ab ara, sokok sam nidyaʾ gweldegok.

IBRANI 6:19

Nunja dobnemab senewoka ganya nebom alamabaʾ ara, girik ak henga geregoka, mek lomok sam doublenggamnaʾ anaso ulumla. Ban unu ganya nebom alamabaʾ ara, Yesus ara nunsamba aboka mengewosuukanya, lomok wiknenaʾ aklenga poboka wekel byuk adya, hyak gasa ulusil. Dara Melkisedek benesoʾ anyek, Yesus ara imik heikek wekoka, yuba wa gakaʾ dubnya nunsamba hyak dibaʾ amba ulusil.

LUKAS 23:45

Yerusalem heikek Imik Neyung e lomok sam weknaʾ pikek goluwoka wiknelemek boksom era, gweldegoka penya nenewok.

WAHYU 11:19

Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

MATIUS 28:2

Dara al wene sab-sab enyek, senenggom sogoumaʾ dorogok. Wera Wenelesilnya bedya lero ben hnon imik heikek abaʾ ara yingginiboka pika seregemek girik era demegoka, alda girik dub eilib enyek an bukumok.

WAHYU 11:13

Wera ban salek nong era, senenggom sogoumaʾ dorogoka, senenggom heik era sagobadya amba anasoʾ bokoka, luk menegookanya, sogoumaʾ enedya dara, tujuh ribu nim obsuk. Dara, oboka bok lobok nim era, hyak loka daboka, Imik Neyung imik heik ululanya bek giblemek.

IBRANI 9:3

Dara onoʾ weilik sam yok ekla hnon ara, penenya lelin akleng weilik ara, hyak geisa nong ekla alamek ekla ek ulumok.

LUKAS 23:47

Anyagan yin bonaʾ dubnya bera ban nidyaʾ unuwokaʾ anyek, okoka eibuukanya, alda Imik Neyung ak perob aboka giboka lebokja, ”Aldib, alda hyak pelelanya bek ulumla!” hyok.