MATIUS 26:35 - PERJANJIAN BARU NALCA YUBA

³⁵ Wenyek Petrus bedya Yesus ak, ”Neyung, nara anab neikaʾ somoganasinimaʾ anaba, nadya anak dara, bera nara elgomnya benyaʾ aboka mekaʾ wenyhenggununggen!” hyok. Anya anyagan yuba doro diriga ban nanga nidyaʾ anaba al neik so leb ligiwek.

MATIUS 26:35 Referans Kwoze

ROMA 11:20

dara perob! Sikda an unu bologokaʾ ara, sikja ganya dib senenaʾ orok anasa unuwok. Anya ugunda jongaʾ ikoka mel-mel eiyiwosuk ara, ugunja ganya dib senewolum adya unuwok. Anasa ugunda ganya habmereng henggunulum, bok hyak lok ganya bolomnelum!

YOHANES 13:37

Petrus hnon heibok, ”Wenelesilimnya o, hekasa wen anak dobol yanggununggisinya do? Nara hyak ansamba leboka somoganesinya,” hyok.

1 PETRUS 1:17

Ugunda heng uboka mololyabenek ab dara, Imik Neyung ara nunjaʾ neyung aboka giblelum. Ban wenyalalum Imik Neyung enedya, nim adya hekaʾ unulumakaʾ ara, hnonok-hnonok nidyaʾ sunuwoka yana lelelesil. Anasa wera, ugunda sokok an anam ululum salek enera, Imik Neyung ak lok ganya boboka ulululum.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

1 KORINTUS 10:12

Anasa, pe sekemna senelelam nim era, malyinggimenek aboka, pe keeboka seklom.

MATIUS 10:33

Bok heknedya nimi hnoum ab, nara Yesus adya yuba donggulunanya aboka sondaʾ lelenel dara, nababya alak neyung be imik heikek ululanya bedyaʾ saramek ab uboka sondaʾ amba bobnenewoka laga lebnamna,” hyok.