MATIUS 24:30 - PERJANJIAN BARU NALCA YUBA

³⁰ Ban unubgogowalyek ab danyek, nimi dibaʾ me yanggan beknaʾ era imik laga danamla. Wera ban sum enyek, nimi nidyaʾ sokok an ulumaknya nera, nauba engewanamak. Sikda nidyaʾ nimi dibaʾ me nera imik sam debaʾ ak senenggomaʾ anyek alja migib gebman ab yanggalyaʾ ak eibnemak.

MATIUS 24:30 Referans Kwoze

WAHYU 1:7

Wera, Yesus ara debaʾ hnoumung sam uboka yalamlyeʾ anyek kendululum e! Nimi nidyaʾ soko nim eibnemak dara, onoʾ alak gamaʾ adya gondowoka orob nim eneba eibnemak. Dara, nimi mok soko yok-yok nidyaʾ ara, alak eiyiwoka nauba engenaʾ salawanamak. Anasa aldib nera hyak dib unuwanamla! Amin!

RASUL 1:11

Dara sik penya nang edya, Yesus alak diriga ban nang ek, ”Wei, ugunda Galilea nang o, ugunda hekasa anyagan ok sekoka imik sam kemelelum do? Yesus imik welemla eiblum sok, onoʾ eimik era hyak onnya benyek neikso unuwoka yanamlaʾ ak eibnelum,” arek.

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

LUKAS 21:27

Ban unuwanamla sum enyek, nimi dibaʾ me ara imik sam debaʾ gangganek pik, alja migib eb, senenggom nong senedyaʾ ab dadya, uboka yanamla.

MATIUS 24:3

Wera Yesus ara Zaitun meinik biniboka bulumok dara, alja yuba doro diriga ban nang era alab neikaʾ sikbeyokaʾ yuba sabnobaʾ aboka yek. Dara sikda alak, ”Neyung o, nidyaʾ ban lelelamnya nera hek sum ek unuwanamlaʾ ak aboka neksilom,” hyek. Anya, ”Neyung, an yanalamaʾ beknaʾ dibaʾ ab, sidyaʾ daknamlaʾ beknaʾ ab dara, hek lok so beknaʾ ak lanawanamla do?” hyek.

2 TESALONIKA 1:7

Wen ugun an yokaʾ adya igina kwelesil nim ek hnon arawanasil dara, onoʾ nuk anaba neik so arawanasil. Anasa Imik Neyung ara imik heikek abaʾ ara aljaʾ senenggom migib lero nang neikaʾ hiboka yingginimak sum enyek unuwanesil,

MARKUS 13:26

Ban ane sum enyek, nimi dibaʾ me nera im pik ubok, aljaʾ senenggom migib senedyaʾ gebman si imik nenenaʾ ab, yanggalyaʾ ak eibnemak.

LUKAS 22:69

Bok wenyek ab moruwoka, nimi dibaʾ me nera Imik Neyung hyak migibaʾ imik sam ululanya bedyaʾ sirikek sam buknamla,” hyok.

MARKUS 13:4

”Dara nuk wenyhenesilim, hek sum ek anera unuwanamlekanya, ban nidyaʾ dengabdaknamlaʾ amba dara, beknaʾ dibaʾ ara hek damok ek lanawanamla do?” wenyaboka heibek.

MATIUS 24:37

Nimi dibaʾ me yanggan sum mok soko hogung ara, Nuh be ulumok salek nimi nidyaʾ ulumekaʾ anaso ubnamla.

MATIUS 24:39

Dara nimi nidyaʾ ara, salyaʾ ulumek bok, meka si del yabasukaʾ nong ak eiyiboka, wera mek si del yabasil senewoka ella dek sok, anasonya neikek nimi dibaʾ me yanggan sum era anaso unuwanamla.

WAHYU 12:1

Wera imik ara yokaʾ ak hyak senenggomokanya, okna so beknaʾ ubukaʾ ak eibsa. Dara, gela hnon, alda heing einira boksom dibaʾ ongowoka, walaʾ ara yan damumduk geboka seklemok. Anya alja hukuk ara, dub nang edya goulunaʾ enyek, guraʾ o badya uruwaʾ ak goulumok.