MATIUS 20:2 - PERJANJIAN BARU NALCA YUBA

² Wera lika hnonok webnumunaʾ amba dara, denarius rupiah hnonok-hnonok deknesin aboka lebgogowok dara, wera nadya wak sam or welenululum aboka orugosuk.

MATIUS 20:2 Referans Kwoze

WAHYU 6:6

Anya nara or yokaʾ adya yub enyek, ban gamyakaʾ dombadyaʾ hnoum anyeb sal yabakdo senewasaʾ ara lel yabokja, ”Perob gandum enyek igina hnonok dara, liga hnonok wa webnaʾ amba eleklesak sok, deknaʾ adya dekoka dobnemak, dara yok gandum era, igina winilya amba anaba al neikik, lika hnonok weboka donya nedya dekoka dobnemak. Bok pam mek ab, anggur mek ab dara, sekoka bolokdo yabanaʾ ara mem,” wenyalamekaʾ ak kebdongowasa.

2 TIMOTIUS 3:15

Anda hyak mekewek moruwoka, Imik Neyung geisa yuba seleb ella ululamaʾ nong anyek, pe seiniwanalam. Wera ban Imik Neyung yuba buku nong enedya Yesus Kristus pik uboka yuba dib senelemak adya embeng unaʾ dolomakaʾ ara, ella ululamaʾ anasa, pe salabmouboka ululom.

LUKAS 10:35

Ampum maboka gwelegok dara, hweboka bo mamoknya bedya e damnya bek rupiah penya doboka elegoka lebokja, Anyagan hweboka bo ululom. Dara, rupiah nauba so dalya dara, yok sum yanggannya dara, eleganenggen,” hyok.

LUKAS 1:15

Anasa alda, Wenelesilnya bedyaʾ saramek ab senenggomnya danamlakanya, yu mek gom, anggur dok mek ab dara, denggulumnamla. Anya alda anam beiblya salek ebaʾ ara moruwoka, Imik Neyung Geisinya adyok deknewoka ulumnamla.

MATIUS 22:19

Wera anasa ugunja dubnya bek deklelum rupiah hogung enyek, nak aabyandeneso!” hyok. Dara sikja Yesus ak rupiah hnonok elegek.

MATIUS 20:13

”Dara wa damnya bedya, wenyaboka lebek nang ek ben hnonoknya bek, Hem o, nara anak malya ubnenggunggen. Anja nara lika hnonok wa webnyaʾ amba rupiah hnonok henggubmalem de?

MATIUS 18:28

Wera ban wa wenaʾanya alda goboka yabok dara, onoʾ yok wa wenaʾanya bek alak an rupiah hnon deblomoknya bek eibuk. Wera benyek nganga weneb salawoka ol yabookanya, lebokja, Nadya rupiah deb lobnulumaʾ ara men deknenelem! hyok.

MATIUS 9:37

Dara Yesus adya alja yuba doro diriga ban nang ek, ”Gwaneng liʾ ara, nauba ululabok, nonga yongon nang ek dara, mekaʾ ulumak.

MATIUS 20:1

”Imik Neyung adya wenelemnesilaʾ ara, hogung ara banasoʾ ak ubnamla: Nim anggur dok wa damnya ben hnon, alja wak sam webnenyak aboka, lugunaʾ nong enyek goboka el yibilemok.

MATIUS 20:3

Dara onoʾ wa damnya bera, gwelek sirigoka dukduk henemok sab-sab, deknaʾ gasaʾ pik nimi hnon salyaʾ pelemek ak eibsuk.

MARKUS 12:15

Wera Yesus ara, sikja sene heibeknya nera seleb ella ubsuukanya, alja sikenek lebnesukaʾ ara, ”Ugunda hekasa nak ara sene sunulunulum do? Wera ugunda rupiah hnon, na kendenemnaʾ anasa, bo yoululum,” hyok.

LUKAS 20:24

”Rupiah hnon nak aawonululum. Heknedya sununaʾ eb, si neb ulumla do?” aboka heibsuk. ”Sokok dubnya bek ulumla!” hyek.

MATIUS 20:9

Dara hyak eimik salek enyek, salawoka wemek nanga yek dara, wera denarius rupiah hnonok-hnonok doro yibek.