MATIUS 2:2 - PERJANJIAN BARU NALCA YUBA

² Dara sikja, ”Yahudi nimi dubnya danamlaʾ ak beiyimla me nera, har sam beiyimla do? Nunda alja guraʾ lanawokaʾ ak eiyiboka, alak gibnemabaʾ anasa yeilimab bar,” aboka nim ulumekaʾ ak heiru yabalesik.

MATIUS 2:2 Referans Kwoze

WAHYU 22:16

”Dara, nara Yesus adya, nadya yuba donaʾ nim enyek kebnokaʾ aboka, ban nidyaʾ unuwanamlaʾ yub era, wenyaro bijebok aboka, nadya lero bek orugamsa. Na benyek Daud nang yilaʾ uboka, onoʾ yali sam yeblamla eleb-alab arob ololaʾ ulumna,” hyok.

YOHANES 18:37

Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.

IBRANI 1:6

Dara Imik Neyung adya aljaʾ yando me sokok an bokol yanggok sum enyek, Imik Neyung adyaʾ, ”Nidyaʾ Imik Neyung lero nang gong dara, nadya me nek giblemnemak,” hyok.

LUKAS 23:38

Yesus oboka glamek gal dubuk ara, lero momnya domekja, ”Yahudi nang mok soko dubnya bera an e!” aro domek.

LUKAS 23:3

Dara Pilatus bedya Yesus ak, ”Anda aldib Yahudi nim edya sikja dubnya ululam de?” aboka heibuk. Danyek Yesus adya, ”Alan anja lelam an,” hyok.

YOHANES 5:23

Neyung bedya ban unumoknya nera, nim adya neyung bek giblemak sok, onoʾ alja me nek giblenokaʾ aboka umok. Wera anasa, heknedya alja me nek gibnenggulumla dara, wera al bokol yeilimoknya bek gibnenggulumla.

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

LUKAS 19:38

Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

LUKAS 2:11

Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla.

YOHANES 9:38

Dara, henga luma bok meremoknya bedya, ”Wenelesilimnya o, nara dib senewan,” wenyaboka Yesus ak koma lumugoka gimok.

YOHANES 19:19

Wera Pilatus bedya, Yesus oboka glamek gal ak sam ara, Yesus ara Nazaret mok ebnya, Yahudi nimi dubnya an momnya donaʾ enyek doboka geregolulum aboka orugousuk.

YOHANES 12:13

wera sikda nimi nauba yogul meklaʾ lebsalawoka Yesus ak eiya hlaboka pika dil biniboka alak giboka wenyalamek, ”Hosana! Wenelesilnya si amba yoknya, alak perobaʾ dangalalul! Israeli nimi dubnya bek perobaʾ dangalalul!” wenyaboka lelemek.

MATIUS 27:11

Wera Yesus ara bo balamekaʾ ara, Yudea mok soko dubnya Pilatus bek bo byik. Dara, Pilatus bedya Yesus ak, ”Anak Yahudi nang dubnya ululam de?” wenyaboka heibok. Wenyek Yesus ara, ”Alan anja seleb lelam an,” hyok.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

MATIUS 21:5

”Anda Sion heikek sam, anjaʾ dubnya bera wera yanggal, henelam. Alda ganya sokok nenebdangoka, nimi mekaʾ abaknaʾ orokaʾ abaksin pam ek buka yalamla, henelam,” amoknya nenyek gigiwolulaʾ aboka ubok.

MATIUS 2:3

Herodes dubnya bera alda ban wenyan yuba kebok dara, alab nimi nidyaʾ Yerusalem heikek ulumek nim era, ganya sam-samab menegosuk.