MATIUS 17:1 - PERJANJIAN BARU NALCA YUBA

¹ Wera lika hnabbadya sum seleb ubek dara, Yesus ara Petrus beb, Yakobus beb, Yakobus bedya weis Yohanes eb, neikaʾ senenggomaʾ imik welemok meinik sam welewek. Anyagan ara sikbeyok ulumek.

MATIUS 17:1 Referans Kwoze

MATIUS 26:37

Dara Petrus beb, Zebedeus bedya mabo moumenaʾ penya uboka bo busuk. Anya Yesus ara ganya igina berewoka, engenaʾ ganya beibuk.

MARKUS 5:37

Dara Yesus ara, alda pikek bookanya, Petrus beb sik noungusuk Yakobus Yohanes nang danyek, nak ara yanamak bok, yok nanga salyaʾ dobol yangganenaʾ ara mem, hyok.

2 PETRUS 1:18

Ban wenyan yuba kebubaʾ ara, nunda alab neikaʾ geisa meinik sam ulumouba sum enyek, Yesus ak imik heikek abaʾ lebokaʾ kebuba.

2 KORINTUS 13:1

Nera winilinya ugunuk an kemel yanesin. Imik Neyung yuba bukuk sam ara, ”Yokaʾ-yokaʾ damoka lanalamlaʾ ara, nimi penya gom, winilya gom nang edya, aldib nunja okoka eiyimouba hen enyek, aldib unumokaʾ ara beknaʾ dangalamla,” aro lebok.

LUKAS 8:51

Wera sikda Yairus bedyaʾ ek sam seleb byik dara, Yesus ara yok nim era, ugunda e lomok wekel yangganaʾ mem aboka, alda Petrus beb, Yohanes beb, Yakobus beb me nen alja genonga neyung ok or bo weksuk.

MATIUS 17:2

Anyaganyeb dara, Yesus ara sikja kemenaʾ edya dara, yokaʾ dok. Alja hogung era heng senedyaʾ anaso uboka, alja ongomok akleng era dilinaʾ anasoʾ ok dangamok.

MARKUS 13:3

Yesus ara onoʾ Zaitun meinik sam biniboka, Imik Neyung ek sam kemero bulumok salek, Petrus beb, Yakobus beb, Yohanes beb, Andreas beb dara, sikbeyokaʾ Yesus ak heibek,

2 PETRUS 1:16

Nunjaʾ Wenelesilnya Yesus Kristus migibaʾ eimik yanamla aboka neklesubaʾ anyek, nim adya geremseng adya, meka lelewoka salamak yub ek neknenggusuba. Kristus anyek Imik Neyung adya imik nenewokaʾ ara, nu nong adya ok ab okoka eibuba.