MATIUS 12:46 - PERJANJIAN BARU NALCA YUBA

⁴⁶ Wera Yesus ara wenyaboka anyagan ulumek nimi mandebnaʾ eb anam yuba salamek sab-sab, alja genong geb, alja weisab eb yeilimek. Sikda beiyik sam sekoka, Yesus ab eibdangoka yuba sabsibya senewoka ulumek.

MATIUS 12:46 Referans Kwoze

MATIUS 13:55

”Alda e sonaʾanya bedya me gom de? Aljaʾ genong gera Maria ge uboka, alja weisab era Yakobus, Yusuf, Simon beb, Yudas beb, unggulumak de?

YOHANES 2:12

Ban seleb unubgogomok dara, Yesus ab, alja genong geb, al kabo nang ab, alja diriga ban nang eb, Kapernaum heikek bilimeekanya, liga wen ono sam ulumek.

YOHANES 7:5

Alja weisab eneba, Yesus ak dib senewanggumekjok lemek.

YOHANES 7:3

Dara, Yesus ak alja weisa badya lebekja, ”Anda yokaʾ-yokaʾ unulumen dara, anja yuba doboka diriga yalamak nang eillilinggenok bar aboka, anyagan Galilea sokok loboka, Yudea sokok binilam.

RASUL 1:14

Sikda nidyaʾ ganya hnonok hiboka, heng uboka Imik Neyung ak mololsinilimek. Dara, sikda gelewa nauba uboka, Yesus alja genong Maria geb, Yesus alja weisab eb, neikaʾ longowoka heng uboka lelemek.

MARKUS 6:3

Ban benera alda Maria gedya me e sonaʾanya gom de? Alja weisab era, Yakobus beb, Yoses beb, Yudas beb, Simon benya arob nang unggulumak de? Yo anasa, al hmal gelewa eneba, anyagan neikaʾ unggulumab de?” Wenyaboka, sikda Yesus ak soloma daboka lek senemek.

GALATIA 1:19

Wera Yerusalem heikek ara, yok-yok yuba lenaʾ gak nang era, hnon mekaʾ eilinaʾ orok bok, alda Wenelesilnya Yesus alja weis Yakobus bek hnonok eibsa.

1 KORINTUS 9:5

Wenelesilnya Yesus alja weisab edya hnon, onoʾ yok yuba lenaʾ gak nang edya hnon, Petrus benedya hnon, yuba dolomna gelewa bomnakanya, neikaʾ yabalamek sok, nara yuba dolomla gel geneba doboka neikaʾ yibinggunusinim de?

YOHANES 7:10

Bok, alja weisab era seleb perob sum meewanobaʾ aboka Yerusalem heikek bilimek dara, onoʾ albabya eimik gelelinga aboka dobgiga nim eilinaʾ orokaʾ anyek bilimok.

LUKAS 2:48

Wera aljaʾ neyung genong ara, Yesus adya ban unulumok anyek eiyirek dara, hyak ganya lok dasuk. Dara alja genong gedya Yesus ak, ”Anda hekasa nuk ara anaso unulusilim do? Anja neyung beb, nab dara, nunda anak ilil ganya boboka elenggenem bar,” hyok.

LUKAS 8:10

Dara alda sikenek saaboka wenhyok, ”Imik Neyung adya wenelemnesilaʾ damoka ella dangan damba dara, alja migibaʾ era ugunuk ara seleb elegosuk. Bok yok nim ek dara, sikda eilin damba uruma dililimak bok, eilinggulumak, ken dara kelemak bok, anyek senewoka pe ella danganggulumak aboka, yokaʾ ak sunuwoka lelesin,” hyok.

MARKUS 2:21

”Youmaʾ orowek men denewoka malya dangamso akleng ek ara, eimik perob akleng gweldekdobaʾ edya neikaʾ denewoka wibneseng dara, hyak malya ura nauba denewanamsoʾ anasa, nimi hnon youmaʾ akleng ek wenyok akleng gweldekdobaʾ eb darawoka wibnenggunuseng.

YOHANES 2:5

Yesus eiling gera ek wa nim ek, ”Alja hekaʾ ak oruganesil ara, ugunja ganya doboka unulululum,” hyok.

LUKAS 2:33

Wenyek Simeon bedya alsamba wenyaboka nidyaʾ geklewoka lebokaʾ anyek, alja neyung beb, genong geb dara, hyak salya lebla senewoka ganya loka dabsuk.

YOHANES 2:1

Liga penya seleb yenemok dara, Galilea sokok Kanaan heikek ara, gela dobdangoka masa youmek dara, Yesus eiling geneba onoʾ neikaʾ unumekaʾ ak ulumok.

LUKAS 2:51

Wera alda, alja neyung genong ab neikaʾ Nazaret heikek byik. Dara Yesus ara sikjaʾ gangganek ab pe ulumok. Bok ban nidyaʾ unulumoknya nera, alja genong gera ganya lomok sam pe seiniwoka bo ulumok.

MATIUS 2:20

Lero adya lebokaʾ ara, ”Ban me nen obnobaʾ aboka umek nang era seleb somogekaʾ anasa, me nenyeb eilinggeb doboka bobmenekanya, onsok Israeli sokok sam bo binilam,” hyok.

MATIUS 2:11

Wera nang era, e lomok wekel biniboka, me nenyeb aljaʾ genong Maria geb eiyisik. Dara sikda me nen dam oumuwoka koma lumugoka giboka, sikja bonaʾ yokoka, rupiah damok ab, gin-gin song meklaʾ ab, perob senenggom deknaʾ ngiknaʾ mek ab me soruka onomek.

MATIUS 1:18

Yesus Kristus beibukaʾ ara ban unuwoka beibuk. Yesus alja genong Maria gera, Yusuf bedya molob lomok. Sikda anam dobdanggurek salek, Maria gera Geisinya adya me bobok.

YOHANES 19:25

Dara, Yesus oboka glamek gal damak ara, Yesus alja genong geb, alja weisab eb, Klopas alaʾ gel Maria geb, yok Maria Magdalena geb, diri seklemek.

LUKAS 1:43

”Wera nara hurub so gel gek anasa, Wenelesilnya eilinggera nak an kemel yanel do?

MATIUS 12:47

Dara, nimi ben hnonja Yesus ak, ”Neyung o, neyung anja genong geb, anja weisab eb dara, beiyik sam anak diri seklenjak,” hyok.

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.