MATIUS 12:17 - PERJANJIAN BARU NALCA YUBA

¹⁷ Nera ununumnaʾ lelemoknya Yesaya bedya Yesus unuwanamla aboka orowek geklewoka momnya domokaʾ anyek gigiwolulaʾ aboka umok.

MATIUS 12:17 Referans Kwoze

YOHANES 12:38

Yahudi nim edya Yesus ak dib senenggulumekaʾ damok era, Imik Neyung yub orowek ununumnaʾ lelemoknya Yesaya bedya momnya dobokaʾ anyek gigiwolulaʾ aboka, unumek. Momnya domok yub era, ”Wenelesilimnya o, nunja lelemab yub era, heknedya dib senemla do? Hnon Imik Neyung migib ara heknyek laga amamla do?” aboka dobok.

MATIUS 21:4

Ban wenyaboka leboknya nera, youmaʾ enyek ununumnaʾ lelemoknya bedya ban lemokja,

MATIUS 13:35

Ban unumoknya nera, youmaʾ ununumnaʾ lelemoknya bedya, ”Nara sikenek yuba lelemnesin dara, sununaʾ adya sunuwoka yuba lelemnamna; soko anam uyimok salek eb moruwoka, laga danganaʾ loboka doknelelanya nenyek, nara lero yabalamnamna,” amoknya nenyek gigiwoululaʾ aboka umok.

RASUL 13:27

Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.

YOHANES 19:28

Wera, Yesus adya yokaʾ-yokaʾ nidyaʾ ara hyak seleb unumokaʾ ella ulumookanya, Imik Neyung yuba ununumnaʾ yuba momnya dobokaʾ anyek gigiwolulaʾ aboka lebokja, ”Nara mek ok ubnel,” hyok.

YOHANES 10:35

Anasa, Imik Neyung yuba doboka unulumek nim ek, im nang aboka si sisukaʾ anasa, wera nadya Imik Neyung bedya me nera, nara an alamna dara, ugunda hekasa nak malya lelemla aboka, yana kilinulum do? Nera Imik Neyung adya orowek munaʾ geboka sokok an bokol yeilinyoknya ulunabok unulunulum.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

MATIUS 8:17

Yesus adya ban nidyaʾ unulumoknya nera, ununumnaʾ lelemoknya Yesaya bedya, ”Nunja hmeng usinaʾ dob salawoka, nunja neiklemabnya nera bo bilisuk,” amoknya nenyek gigiwolulaʾ aboka umok.

MATIUS 12:16

Bok Yesus adya dara, alak yeilimek nim ek, Yesus an ulumla aboka yok nim ek neknaʾ ara mem, hyok.

MATIUS 12:18

Momnya dobokaʾ ara, ”Nadya weboka doboka bokol bilimsa me nera an. Nadya alak wanaʾ ulumnakanya, alja nadya ganya hekel eleklenel. Nadyaʾ ganya era alak gologanamlakanya, jong unaʾ damok ara, alja yok-yok mok soko nim ek lero binimla.