MATIUS 11:5 - PERJANJIAN BARU NALCA YUBA

⁵ Henga luma yeilimna nang eillilemak, nonga yana heimna nim eikaʾ yabalamak, nong bokaʾ malya ulusil nimi hwebna dara, bokaʾ dolomak, o ounugamna nim o bakoka kelemak, seleb somogamna nim embengaʾ suboka bulumak, Imik Neyung ak ab perob lero yanggan yub era nimi bonaʾ garan ulumak nim ek lero yabalamlaʾ anyek eiyiboka unulamla aboka nekdo binilum.

MATIUS 11:5 Referans Kwoze

LUKAS 4:18

”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

MATIUS 21:14

Wera henga luma nang eb, nonga heilisuk nang eb dara, Yesus ak Imik Neyung ek sam ulumokaʾ ak yek dara, hwebsuk.

YOHANES 10:38

Bok nadya dara, unuwoka welenabok, ugunja danyek nak dib senenaʾ orok bok, nadya welemna wa nenyek keeboka dib senewolulum. Anadya wera, Neyung bera nadya nong lomok ulunelekanya, nara alja nong lomok ulumnaʾ ara, ugunda ella danalum bar,” hyok.

YOHANES 10:25

Dara, Yesus adya sikenek lebsukaʾ ara, ”Nara ugunuk seleb lebsisa bok, nak dib senenggulunulum. Nadyaʾ neyung be si sibuka yokaʾ-yokaʾ lok soʾ unulamnaʾ anadya, nak okoka beknaʾ laga lelesil.

YOHANES 5:36

Bok nak geklewoka lelemla yub era, hnon senenggomaʾ ulumlakanya, Yohanes Pembaptis bera mek so lelenyok. Anasa wera, nadya wen hekaʾ unulamnaʾ ara, neyung be na bokol yeilinyoknya bedya unuwoka welelom aboka orugenyokaʾ anyek welemnaʾ adya, wera nara aldib Imik Neyung bedya bokol yeilinyokaʾ anyek geklewoka lelenel.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 2:23

Yahudi nim perob sum meemek sum enyek, Yesus ara Yerusalem heikek ulumookanya, nimi nauba al adya yokaʾ-yokaʾ nidyaʾ lok so unulumokaʾ eiyimeekanya, anasemba leboka alak dib senemek.

MARKUS 9:25

Wera Yesus ara, nimi nauba yeiniboka, alak aknelganagel yanggekaʾ eibuk dara, alda bisaʾ ak, ooma leboka wabokaʾ ara, ”Wei, anda o ounugoka yuba gom geblesilim bisaʾ o, nara anak lebnenggen, Anda me nenyek anyebaʾ gobnelam. Anya, onsok saaboka wekel yanggunulam!” aboka yakok.

MARKUS 7:37

Anya nimi nidyaʾ unuwal an yuba kebek dara, sikda ganya nauba lokja senewek. Anya, lelemekja, ”Nidyaʾ alja unululanya nera, perob ok dangalamla! O ounugunanya beneba, yuba kenya dangallilimla, yuba gom dangananya beneba, yuba sanya dangallilimla,” alamek.

MATIUS 10:8

Anya neiklemeija nimi hwelemnelum, somogomeija nim embengaʾ suboka bukillilemnelum, nimi bokaʾ malya ulusil neiknaʾ delesilya nimi bokaʾ donaʾ elegoka bisaʾ gologesilinya nera yaklemnelum. Ugunda ban unulumakaʾ damok amba dara, deknenggublum, or salyaʾ dob loblum. Anasa ugumbabya deknaʾ loboka, or salyaʾ eleganalum.

MATIUS 9:30

Wera sik penya nang dara, henga gwelegoka eibdek. Dara Yesus adya sikenek, nunda unu hwebsil aboka yok nim ek salyaʾ nekdo yabanaʾ ara hyak mem aboka yuba sekok.

MATIUS 5:3

”Nimi hnon, nara ganya garan denaʾ nim enyaʾ senewoka ulumak nim era, sikda Imik Neyung wenesin heikek ulumnemakaʾ anasa, pe ulumak!

RASUL 2:22

Onoʾ Petrus sikenek wenyasuk, ”Nadya hemyab Israeli nim o, nadya ugunuk ban dib lebnesin anyek keblulum. Yesus Nazaret mok ebnya bera, Imik Neyung adya seleb ugunsamba wa weblul aboka wa doboka elegemok anyek, beknaʾ elegesuk. Beknaʾ ara, Imik Neyung adya Yesus ak ab uboka ugun gangganek sam yokaʾ-yokaʾ lok so migib ununaʾ ab, senenggom lok so ununaʾ ab, yok so beknaʾ ab, unumokaʾ ara seleb eiyilum. Anasa, ugumbeyok ban nidyaʾ ara seleb ella ululum.

MATIUS 11:4

Dara Yesus adya sikenek, ”Ugunda Yohanes bek on pik biniboka ugunja seleb heng eiblumaʾ ab, o keblumaʾ ab danyek, nekdo binilumaʾ ara,

MATIUS 12:13

Dara onoʾ Yesus ara soruka darasam heimoknya bek, ”Anja soruk nginigalom,” hyok. Wera bera soruk nginigok dara, darasam eik soruk enesoʾ anyek eikaʾ dok.

YOHANES 9:7

alak lebokja, ”Siloam mek gwanek anja hogung enyek mek elegeldal bilom,” hyok. (Siloam ara nunja yub era orugomoknya ulumla alamla). Henga lumnya bera bilimookanya, seleb mek elekdok dara, on pik saaboka heng eibgiga yalamok.