MARKUS 9:5 - PERJANJIAN BARU NALCA YUBA

⁵ Wenyek Petrus bedya Yesus ak, ”Neklesilimnya o, nunda anyagan ulumabaʾ ara, hyak perob nong e. Anasa perob, nunda anyagan e lubna winilya, hnonda ansamba, hnonda Musa bemba, hnonda Elia bemba sobnemab,” hyok.

MARKUS 9:5 Referans Kwoze

PILIPI 1:23

Nara penya nang edya giliwoka gangganaʾ goklenerek. Anasa hyak perob nongnya nera, sokok anara loboka, imik heikek biniboka Kristus ab neikaʾ ulusinim senelamna.

MATIUS 23:7

Hnonda, senenggom deknaʾ gasaʾ ak ara, Neyung neklesilimnya, perob aboka giblesinok senewoka, nim hogung dibnelewoka sekdo yabalamak.”

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

MATIUS 17:4

Dara, Petrus bedya Yesus ak, ”Wenelesilimnya o, nunda anyagan ulumabaʾ ara hyak perob nongaʾ ak ulumab. Wera anda or perob senemen dara, nara anyagan lubna e winilya sobnamna, hnonda ansamba, hnonda Musa bemba, onoʾ hnonda Elia bemba,” hyok.

MATIUS 23:8

”Anasa ugunuk dara, ugunjaʾ neksinya bera hnonok ok ulusilekanya, ugunda nidyaʾ hiboka, hemyab ok ululumaʾ anasa, neksin nang aldanaʾ ara mem.

MARKUS 9:4

Wera sikja kemelemek enyek, Elia beb, Musa beb, laga neneb dangoka, sikda Yesus ab neikaʾ yuba saldalamek.

MARKUS 9:6

Alda ban wenhyokaʾ ara, sikda hyak loka dabsukaʾ anasa, hekaʾ hununaʾ gomaʾ aboka, wenyaro lebok.

LUKAS 9:33

Wera penya nang dara, Yesus ak loboka sikda barek dara, Petrus bedya Yesus ak, ”Neklesilimnya o, nunda anyagan ulumabaʾ ara hyak pemab. Nunda anyagan ara lubna e winilya, hnonda neyung ansamba, hnonda Musa bemba, hnonnya nera Eli bemba sobnemab,” hyok. (Petrus bera ban wenhyoknya nera alja lelemokaʾ ara damok ara anyek lebnamnaʾ elgom bok salyaʾ lebok.)

YOHANES 4:31

Wene salek enyek, alja diriga ban nang edya, ”Neyung o, wera or denaʾ seleb ulumlaʾ anasa, wera or del yabalom,” aboka alak dukaʾ lolom-lolom alamek.