MARKUS 9:10 - PERJANJIAN BARU NALCA YUBA

¹⁰ Anasa, sikda Yesus adya an wenyaboka lebokaʾ ara, ganya lomok bobekjok, sik moumen, ”Somoknaʾ ak ab embengaʾ suboka bukiyiwanamla, helaʾ anyek, damok ara, hekaʾ ak lemla do?” aboka heibdangdo yabalamek.

MARKUS 9:10 Referans Kwoze

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

YOHANES 12:16

Yesus adya alak diriga ban nang era, anam salek era, ella danggumek bok, Yesus anyek seleb imik nenewok danyek, Imik Neyung yuba youmaʾ momnya domekaʾ ara alsamba lebokaʾ ak an, wen unulumek senewoka seinimek.

MARKUS 9:32

Bok sikda alda anyek lelemla senenaʾ ara, elgom umek bok, lok anasa, alak heibnenggumek.

MATIUS 16:22

Wenyek Petrus bedya Yesus anyek, al dam gliri beildil yeiniboka lebokaʾ ara, ”Wenelesilimnya o, ban era hyak unuwanggunununjak, orok!” hyok.

MARKUS 9:9

Wera sikda mok soko meinik abaʾ ara yanggek ek ab dara, Yesus adya sikenek lebsukaʾ ara, ”Nimi dibaʾ me nera somoknaʾ ak ab anam suboka embengaʾ bukiyiwanggumlya salek era, ugunja ban eiblumaʾ ara, anasoʾ ak eibab aboka, nimi yok nang ek salyaʾ nekdo yabanaʾ ara hyak mem,” hyok.

MARKUS 9:11

Anya sikda Yesus ak, ”Hekasa Yahudi yuba neksin nang edya dara, Elia benyek men yanamla alamak do?” aboka heibek.