MARKUS 8:6 - PERJANJIAN BARU NALCA YUBA

⁶ Dara Yesus ara nimi nidyaʾ ak, sokok buklulum aboka, alda sekbadya gwaneng dara doboka, Imik Neyung ak perob aboka gibuk. Seleb dara, gwaneng ara soboka, alja yuba doro diriga ban nang ek boknokaʾ aboka elegosuk dara, wera sikja doboka bokdo yibik.

MARKUS 8:6 Referans Kwoze

KOLOSE 3:17

Dara, ugunja yokaʾ-yokaʾ nidyaʾ, yuba sanaʾ adya gom, soruk adya wenaʾ gom, unuwanalum dara, ban nidyaʾ ara, nunja neyung Imik Neyung ak, al pik uboka perob aboka giboka, nunja Wenelesilnya Yesus bedya si sibuka unulululum.

ROMA 14:6

Heknedya ban yok hnonoknya nok salabmoubnamla dara, alda Imik Neyung amba unulumnamla. Anya heknya denaʾ denemna dara, alda Imik Neyung ak perob aboka giblamla anasa, alda Imik Neyung amba unulamla. Dara onoʾ heknedya alda denaʾ denggunumnekanya, albabya Imik Neyung ak perob aboka giblamla anasa, albabya Imik Neyung amba unulamla.

YOHANES 6:23

Bok, onoʾ yok mek ekla bunaʾ hnon Tiberias heikek ab yeiniboka Yesus gwanenga soboka Imik Neyung ak molomok enyek demek oulyang berem mal yalamek.

YOHANES 2:5

Yesus eiling gera ek wa nim ek, ”Alja hekaʾ ak oruganesil ara, ugunja ganya doboka unulululum,” hyok.

LUKAS 24:30

Wera neikaʾ bukoka delemeekanya, Yesus ara gwanenga doboka, Imik Neyung ak perob aboka giboka molowok dara, gwaneng era alja soruk adya soboka, sikenek bokoka elegosuk.

LUKAS 12:37

Wa wen nang enyek, sikjaʾ neyung be ek yanamnaʾ amba diri ulunabok, wera yalamla dara berra eillilemak nim era, hyak pelemakaʾ nong ara an. Ban lebnesinaʾ ara, wera ban wa dubnya bera meebgogowoka, alja wa wen nim ek buklulum aboka oruganasil dara, alda sikenek denaʾ youboka beiyiboka deb eleganesil.

MATIUS 26:26

Wera an delemek salek, Yesus ara gwanenga doboka Imik Neyung ak perob aboka gibok. Seleb dara, gwanenga soboka alja yuba doro diriga ban nang ek elegesuukanya lebokja, ”Nadya nong era ban, or doboka denelum,” hyok.

MARKUS 8:5

Dara Yesus adya sikenek, ”Ugunuk ara roti gwaneng ara hekbadya bolum do?” aboka heibsuk. Dara sikja, ”Sekbadya ulumla,” hyek.

MARKUS 8:7

Dara sikda hadyaʾ anaba wenebadya bomekaʾ ara, Yesus adya Imik Neyung ak perobaʾ dolul aboka molowok dara, boklulum aboka orugosuk.

MARKUS 8:20

”Dara onoʾ nimi denga salyaʾ hiboka dombadya nang emba, gwanenga sekbadya soboka elegeisisa dara, seleb deregoka bok lobeknya nera, serrema hekbadya liboka mamagolum do?” Wenyaboka heibsuk dara, sikda Yesus ak, ”Serrema sekbadya liboka mamagamouba,” hyek.