MARKUS 8:11 - PERJANJIAN BARU NALCA YUBA

¹¹ Wera Parisi nang hnon Yesus ak yeiniboka, alab yuba sal yabeekanya, sene bobnenewoka gogobaʾ dibnobaʾ aboka, yok lok so beknaʾ hnon, imik heikek abnya nenyek, unuwalom aboka, sikda alak molowek.

MARKUS 8:11 Referans Kwoze

1 KORINTUS 10:9

Israeli nim edya Wenelesilnya ak nauba sunulumek sum era, sikda bokoka darasam bagaʾ adya si sablesuk enyek somogekaʾ anasa, numbabya Imik Neyung ak sunulyamanaʾ ara mem.

MATIUS 12:38

Dara onoʾ hnonda Yahudi yuba neklesik nang eb, Parisi nim eb dadya, Yesus ak, ”Neklesilimnya o, neyung lok so beknaʾ hnon meewalom, wenyek nunda eibnemab bar,” aboka molowek.

YOHANES 4:48

Dara, Yesus ara ban soko dubnya bek, ”Ugunda yokaʾ-yokaʾ lok so beknaʾ senenggomaʾ, lokol danaʾ eilinggululum dara, dib senenggululum,” hyok.

LUKAS 11:16

Alda onoʾ yok nim edya dara, Yesus unulumoknya nenesa sene sunuwanobaʾ aboka, anda aldib Imik Neyung ak ab yeilimen dara, laga beknaʾ dolulaʾ aboka, imik ab yok lok sonya nenyek hnon unuwalom aboka molomek.

RASUL 5:9

Wera danyek, Petrus bedya Ananias alaʾ gel ak, ”Ugunda hekasa anja nenya eb Imik Neyung Geisinya bek sunuwananam aboka gegerum do? Wera anasa kendelom, anja nenya somogamla anyek bo soko lokol bilimak nim era, seleb e pik sindamak yanggak anasa, ambabya neikik bo binenjak,” hyok.

YOHANES 7:48

Nimi hnon Yahudi dub nang ek ab hnon gom, Parisi dub nang ek ab hnon gom, Yesus ak dib senemek de?

YOHANES 6:30

Dara sikja, ”Wera neyung o, nunda anak dib senewagenobaʾ aboka, hek lok soʾ unaʾ nu hogung ek unuwanalam do?

LUKAS 10:25

Dara onoʾ Yahudi yuba neksinya ben hnon Yesus ak sene sunuwonunaʾ aboka goboka sekel yeilimok. Benedya Yesus ak, ”Neyung neklesilimnya o, nara hekaʾ ak hubnyaʾ adya embeng unaʾ ara dobnamna do?” aboka heibuk.

MARKUS 12:15

Wera Yesus ara, sikja sene heibeknya nera seleb ella ubsuukanya, alja sikenek lebnesukaʾ ara, ”Ugunda hekasa nak ara sene sunulunulum do? Wera ugunda rupiah hnon, na kendenemnaʾ anasa, bo yoululum,” hyok.

MARKUS 2:16

Wera anasa, Parisi nim edya Yesus ara rupiah mok soko amba leboka molowoka dolosik nang eb, heik yokaʾ nim edya malya nimi senelesik nim eb, neikaʾ bukoka delemekaʾ ak eiyimek dara, sikja Yesus adya yuba doro diriga ban nang ek, ”Hekasa ugunjaʾ yuba neksinya bera, mok soko amba rupiah molowoka dosin nang eb, malya nang eb neikaʾ bukoka delemak do?” aboka heibsik.

MATIUS 22:23

Dara al on sum enyek, Saduki nim era, sikja dara, nimi seleb somoklomaknya nera embengaʾ suboka buknenggunuseng senewoka ulumek nim ek Yesus ak yek.

MATIUS 22:18

Bok Yesus ara sikda malya ganya boboka sene heimekaʾ anyek ella uboka, alja dara, ”Wei, ugunda hyak malya unaʾ hwam nim ek ululum! Ugunda hekasa nak heng dibaʾ weboka youbnenobaʾ aboka ulunulum do?

MATIUS 22:15

Wera Parisi nim era, Yesus ak hekaʾ huboka sunuwoka henga weboka youbnobaʾ aboka, sene yana benel byik.

MATIUS 21:23

Wera Yesus ara, Wenelesilnya bedyaʾ e eremek sam wekoka anyagan yuba anam neklesuk salek bok, Imik Neyung yuba wa gakaʾ dub nang eb, Yahudi dub nang eb dara yeiniboka, ”Ban nidyaʾ unululamaʾ ara, hek migib damok edya ululam do? Goma heknedya anaso unululom aboka wa nen elegajok do?” aboka heibek.

MATIUS 19:3

Dara Parisi nim era, Yesus ak sene sunuwanobaʾ aboka yek. Anya, sikja Yesus ak, ”Nunja yub edya dara, nimi ben hnon gela lobnamla aboka dara, yok-yok damok orok bok, salyaʾ lobnamso de?” aboka heibek.

YOHANES 8:6

Ban nenera, Yesus adya dara hek hulul do aboka, alja wenyhelyaʾ yub edya alak malya uyiwanobaʾ aboka sene heimek. Bok, Yesus sokok sam genib lobonggoka, soruk adya soko dubuk momnya dolomok.

MARKUS 9:16

Dara, Yesus ara sikenek, ”Ugunda hek yuba damok ek, sikeneblaboka leleldalalum do?” wenyaboka heibsuk.