MARKUS 6:12 - PERJANJIAN BARU NALCA YUBA

¹² Wera an wenyaboka boksuk dara, sikda biniboka malya unaʾ ak ab ganya dangawolulum aboka yuba lero yabalamek.

MARKUS 6:12 Referans Kwoze

MATIUS 4:17

Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

LUKAS 13:3

Nera hyak orok! Bok ugumbabya ugunda malya unaʾ ak ab ganya dangawanggunulum dara, ugumbabya Galilea nim ubek sok somoganalumaʾ anyek, ugunda pe beknelum.

LUKAS 11:32

Soko sidyaʾ daknamla sum era, Niniwe heik nim era, wen an ulumak nim eb neikaʾ suboka bukija dara, sikenek neikaʾ yana kibnesak. Anasa wera, Niniwe nim era, ununumnaʾ lenya Yunus bedya sikenek yuba leb elegosuk sum ganya dangawoka domekaʾ anaba, Yunus bera mek so bok, wen an ululanya bera senenggomnya bek ulumla!” hyok.

MATIUS 3:8

Ugunda malya unaʾ seleb eib kweboka ganya dangawoka lobek an beknaʾ enyek, wera laga gigiwoka ulululum.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

RASUL 26:20

Anasa wera, nara hyak yeiriwoka nimi yok nim ek, ugunja ganya dangawoka, onoʾ ugunja nong enyek, Imik Neyung ak dib ganya ologoka lebnalumukanya, ugunja ununaʾ adya, ganya dib dangamoub an beknaʾ era amalemnelum, aboka neklesisa. Wera lendara eibsa dara, Damsyik heik ab leb einiwoka, onoʾ eimik era Yerusalem heikek uboka, Yudea sokok ab ara, Yahudi nimi gom nim ulumak nim ek hnon, lero yabalamsa,” hyok.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

LUKAS 15:10

Ugunda hyak dib senewanalum! Anasonya neikek, nimi malya unaʾanya ben hnon ganya dangalamla dara, Imik Neyung lero nang eneba unu eiya hlaboka glolomak!” hyok.

LUKAS 15:7

Yo, anasonya neikek, nimi ben hnon malya unaʾanya bek ganya dangalamla dara, imik heikek anaba alsamba hyak eiya hlaboka glonaʾ salalamak, yok denga winilya pe ulumak nang enyek, nauba so ununggulumak,” hyok.

LUKAS 13:5

Anadya gomaʾ, orok! Ugumba malya unaʾ ak ab ganya dangawanggunulum dara, sikba somogek sok, ugumba unu somoganalum amnaʾ anyek, ugunda pe beknelum,” hyok.

MARKUS 1:15

Dara Yesus adya, ”Imik Neyung adya wenelemnesil salek era gigiwoka seleb oka dal. Ugunja malya unaʾ ak ab ganya dangawomunukanya, Imik Neyung adyaʾ perob yub enyek dib senewanalum,” aro lelemok.

MATIUS 11:20

Wera Yesus ara alja yuba nauba leboka, lok soʾ migib ununaʾ nauba unulumok heikek ara, nimi nauba malya unaʾ ak ab loboka ganya dangawanggumekaʾ anasa, gorogoka nauba lelemok.

MATIUS 9:13

Ugunda ban yub enera hekasa lero momnya dobokaʾ anyek seiniwoka einiwanalum: Nara pam unuruwaʾ oboka gibil yangganaʾ ak perob senenggulumna bok, alda angoo yadyek senen ganya ek perob senelamna. Anasa nara nimi seleb pe ulumab senelemak nim ek youbsununaʾ aboka yanggumsa bok, alda nimi nara malya nanga seneldalamak nang enyek, youbsununaʾ aboka yeilimsa,” hyok.

LUKAS 9:6

Dara sikda bilimeekanya, mek-mek heikek sam biniboka, Imik Neyung yuba leb elegoka, yokok-yokok sam nimi nauba hwero yabalesik.

MARKUS 1:3

Nimi ben hnon hwalek sam bii aboka lelemnamlaʾ ara, Wenelesilnya bemba pik orowek yarawoka meeb loblulum. Al yibinamlya pika nidyaʾ sangawoka jongaʾ yarawanalum, wenyalamnamla aboka lemok,” hyok.

MATIUS 11:1

Wera Yesus ara alja obadya yuba doro diriga ban nang ek pe wenebgogowosuk dara, alda anyagan ara loboka yokok sam byuk. Anya Yesus ara al ulumokaʾ ok berem heik pik Imik Neyung adya unuwanalum wenyaboka lesuk yub enyek leb elekdo yabalesuk.