MARKUS 4:18 - PERJANJIAN BARU NALCA YUBA

¹⁸ Giriknaʾ hnoum malyinggilimok aboka sunuwoknya nera, nimi hnon yuba kebnabok,

MARKUS 4:18 Referans Kwoze

LUKAS 8:14

Alda giriknaʾ hnoum yama yinggilimok aboka sunuwoknya nera, nim Imik Neyung yuba kelemak bok, sokok un ganya eb, bonaʾ dubnya dangoka ulusinya ganya ab, ganya daldom-daldom anaʾ ganya eb dadya, yuba dolomlaʾ ara, seklama darab eleganakanya, perob doka mounggulusilnya nera an.

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MARKUS 4:7

Yinaʾ hnonda giriknaʾ hnoum malyinggyuk. Wera yinaʾ era bongon dara bongowok bok, giriknaʾ bong adya seklama darawoka objokaʾ adya, alda doka moubnenggubuk.

MARKUS 4:17

Bok yub ara nimi ganya lomok sam yarenga eleknaʾ orokokanya, or wene salek ok ulumla. Imik Neyung yuba dobnaʾ anasa, eimik dara oboka yokaʾ-yokaʾ unul yabasin dara, sikda berra aboka malya dangalamaknya nera an.

MARKUS 4:19

sokok anyebnya nenyek hekaʾ huwanamna ganya boboka, bonaʾ mandebnaʾ adya pe ulusinya senen ganya ab, hnon yokaʾ-yokaʾ ak ganya oka denaʾ adya, sikja ganya lomok sam wekel yaban dara, yuba dobnaʾ ara, seklama denewoka bonga oldelemlaʾ adya, pe doka mounggulusil nim era an.