MARKUS 4:16 - PERJANJIAN BARU NALCA YUBA

¹⁶ Alda yinaʾ girik lumuk sokok sam yama yinggyuknya nera, nim ara anam salek era yuba keboka ganya gwelelek aboka dolomaknya nera an.

MARKUS 4:16 Referans Kwoze

LUKAS 8:13

Alda yinaʾ girik lumok sokok sam yama yinggilimoknya nera, nim anam salek era ganya goluwoka yuba dolomak bok, yub ara dibaʾ sikjaʾ ganya lomok sam yinaʾ menggulusil. Sikda anam salek seʾ ok dib senewanaʾ ara, yokaʾ sunulyamasinaʾ yanggan dara, wonaʾ dangalamaknya nera an.

MARKUS 6:20

Herodes bera Yohanes bek ara, senenggomnya benyaʾ senelemokaʾ ara, Yohanes bera dib nongnyakanya, Geisinya benyaʾ senewoka ella ulumokaʾ anasa, alda lok ganya boboka bo diri ulumok. Bok Yohanes bek kelemna dara, alja ganya bol nenelemokaʾ anaba, alda eiya ganya boboka alak kelemok.

YOHANES 5:35

Yohanes Pembaptis bek, alda wesaʾ yebnaʾ dibaʾ ulumok. Dara alda yeblemok salek era, li hnonok perob senelum.

RASUL 8:13

Simon be nimi hwelesuknya beneba, dib senemok. Dara onoʾ alba meka dabgogomok seleb dara, Pilipus beblaboka neikaʾ uro yabalerek. Wera Pilipus bedya, Imik Neyung adya hyak lokso migib anyek beknaʾ dibaʾ unulumok dara, Simon bera hyak lok anasa, ngolukdo ulumok.

RASUL 26:28

Danyek Agripa bedya Paulus bek lemok ara, ”Anja nak wene sab-sab Imik Neyung yuba doboka ganya dangawanamla senelenelem de?” hyok.

MATIUS 13:5

Yinaʾ hnonda girik lumuk sokok sam yama yinggyuk. Dara soko ilil adya, yinaʾ era men berra aboka bongowok.

MARKUS 4:15

Alda yinaʾ pikek sam yama yinggyuk aboka sununaʾ era, nimi hnonda, yub ara kelemak, bok Satan men yeiniboka yuba sikenek ab dololanya nera an.

MARKUS 4:17

Bok yub ara nimi ganya lomok sam yarenga eleknaʾ orokokanya, or wene salek ok ulumla. Imik Neyung yuba dobnaʾ anasa, eimik dara oboka yokaʾ-yokaʾ unul yabasin dara, sikda berra aboka malya dangalamaknya nera an.