MARKUS 4:11 - PERJANJIAN BARU NALCA YUBA

¹¹ Dara Yesus adya sikenek lebsukaʾ ara, ”Ugunuk dara, Imik Neyung adya hekaʾ huboka wenelemnesilaʾ damok ara, seleb elegousuk. Bok beiyik ulumak nim ek dara, yokaʾ-yokaʾ ara yokaʾ adya sunuwoka neksin danyek, perob.

MARKUS 4:11 Referans Kwoze

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

LUKAS 8:10

Dara alda sikenek saaboka wenhyok, ”Imik Neyung adya wenelemnesilaʾ damoka ella dangan damba dara, alja migibaʾ era ugunuk ara seleb elegosuk. Bok yok nim ek dara, sikda eilin damba uruma dililimak bok, eilinggulumak, ken dara kelemak bok, anyek senewoka pe ella danganggulumak aboka, yokaʾ ak sunuwoka lelesin,” hyok.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

1 TESALONIKA 4:12

Dara, sobaʾ anaso pe ulumnelumaʾ adya, yok nim era perob senelemnesak. Anya, yok nim ek arawananulum aboka sobaʾ molonggulumnusom.

KOLOSE 4:5

Ugunda yok nim ek ara, geremsengaʾ perobaʾ adya ok ulululum, anya wen an ubla salek ululanya nera, pe salawoka unulululum.

1 TIMOTIUS 3:7

Ban benera, alja si nenera perob deng ok ululul anaʾ orok dara, nim adya alak meilinya seneweijikanya, alda bisaʾ dubnya bedya heng wel loblamlyaʾ ak obenggalyek anasa, alda pe ululenya benyek beibnok.

EPESUS 1:9

alda soko nang blebnamna senemokaʾ doknomokaʾ ara, alja men ganya doboka Kristus pik uboka, wen nuk laga nenewok.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

MATIUS 16:17

Danyek Yesus adya onoʾ alak, ”Anda Yunus mamnya Simon, anda hyak dib lerowalem. Nera nim adya anak neknenggubjak bok, alda nadya neyung be imik heikek eini ululanya bedya nekgelaʾ ak leblam.

MATIUS 13:16

Anya Yesus adya alja yuba doro diriga ban nang ek, ”Bok ugunuk dara, ugunja heng adya eillililumakanya, ugunja o nedya kelelum anasa, gobdo pelelum.

1 KORINTUS 4:7

Anasa wera anak dara, heknedya men perob so uyinyok senelelam do? Anda yokaʾ-yokaʾ bololamaʾ ara, hnon eleganggunjoknya nek hnon bololam de? Wera dara, yokaʾ-yokaʾ nidyaʾ anak elegenjok bok dara, hekasa nabeyok dolomna senewoka, nonggo alalam do?

MARKUS 3:23

Danyek Yesus ara sikenek nak yoululum hyookanya, sununaʾ yub enyek sikenek neksukaʾ ara, ”Satan bedya al damnya bek har so yakdanamso do?

MARKUS 4:2

Dara Yesus ara sikenek yok-yok yuba damoka nauba neklesuk dara, alda yokaʾ ak sunuwoka lelesuk. Hnon anaso aboka neksuknya nera an,

MARKUS 4:10

Wera onoʾ Yesus albeyok ulumok salek enyek, nimi Yesus ablaboka ulumek nim eb, alja o badya nang yuba doro diriga ban nang eb dadya, anja sunuwoka yuba lebsilimaʾ damok anyek, anasoʾ ak lemna aboka neksilom hyek.