MARKUS 3:10 - PERJANJIAN BARU NALCA YUBA

¹⁰ Yesus ara nimi nauba merellilisukaʾ anasa, yok neiklemek nang edya dara, alak bebeganob senewoka, ol gogoldalamek.

MARKUS 3:10 Referans Kwoze

MARKUS 6:56

Wera Yesus ulumnaʾ ak ara, or nauba heikek gom, mek heikek gom, nimi nauba sobaʾ neiklamna nanga beʾ gologoka, jaboka heik gasaʾ ak bo beillil yalamek. Anya, sikda Yesus adya akleng ek mekaʾ soruk dem adya bebeganobaʾ aboka dublemek. Dara, nimi Yesus adya akleng ek soruka bebegan nim era, nidyaʾ gobdo merelemek.

MATIUS 14:36

Anya sikja, neyung o, nun dam nang anja akleng ek sam mekaʾ bebegananjab dara, merewanamab aboka Yesus ak molowek. Dara, nimi neiklemek nimi nidyaʾ ara, Yesus adya akleng ek bebegemek dara, sikda merewek.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

RASUL 5:15

Dara, yokaʾ-yokaʾ hyak senenggomaʾ anaba dib dangalamok wek adya, nimi neiklamna nim era ekla manaʾ ak dubuk gom, esonaʾ yanganaʾ ak gom, mayiwoka pikik nimi yabalamna ak bo beil balamek. Wera, Petrus be yabelya dara, alja ganya yamaʾ edya hnon nim ek dara, bebegeisilya dara, merewanok senewoka unulumek.

LUKAS 7:2

Dara Kapernaum heikek ara yin bonaʾanya bedya alja wanaʾ nong ulumok wa wenya benyek hyak neiknaʾ salamookanya somogoununaʾ ulumok.

IBRANI 12:6

Nera Imik Neyung ara alja wanaʾ ulumla nim ek ara wenelesilikanya, alda alja mabo geblamla nim ek ara legebnaʾ adya deblesil,” wenyalalanya nera ugunda hibigoulum de?

MARKUS 5:34

Dara, Yesus adya gel genyek an, ”Nadya gelma o, anda nak dib senewanelemaʾ adya, wera hyak dibaʾ merewalem! Anda ganya daboka bimenekanya, or eikaʾ ululom!” hyok.

MATIUS 14:14

Wera Yesus ara mek ekla bunaʾ ak ab uboka, sokok yingginiboka nimi mandebnaʾ enyek an kemelemok dara, angoo hyak yadyek senewousuk. Dara onoʾ, sik ganggan pik hnon neikdo balameknya nera hwebsuk.

MATIUS 12:15

Yesus ara Parisi nim edya obnenyak hogunga seleb ella ubok. Anasa alda anyagan anyebaʾ ara loboka bok dara, nimi nauba alab neikaʾ balamek. Dara nimi neiklemeknya nera nidyaʾ hwebsuk.

MARKUS 8:22

Wera Yesus ab, alja yuba doro diriga ban nang eb dara, Betsaida moka byik. Dara anyeganara, nimi heng umoknya ben hnon bo yeindeboka, sikda Yesus ak alja soruka diyiboka hweblulaʾ aboka, molowek.

LUKAS 5:3

Wera Yesus ara mek ekla bunaʾ ak welewoka Simon bek, ”Anja mek ekla bunaʾ era seʾ bukna anasa, mek gek ab mek ek wekdo doroganelom,” aboka molomok. Dara Yesus ara, mek ekla bunaʾ lom enyegan bukoka, nim ek Imik Neyung yuba neksuk.

LUKAS 6:19

Wera nimi nidyaʾ ara, Yesus ara nimi hwesin migib alak ab goblomokaʾ adya, nimi nidyaʾ merellilisukaʾ anasa, sikda Yesus adyaʾ akleng ek soruka dibibya dara, merewananobaʾ anyaʾ senewoka dulumek.

LUKAS 7:21

Yesus ara ban salek nong era, nimi nauba yok-yok neiknaʾ damok ek ab, igina kweboka okna ulusuknya nek ab, bisaʾ gong goloklesukaʾ hnon yakoka, hwelesuukanya, henga lum nimi nauba mereldilisuk.