MARKUS 2:25 - PERJANJIAN BARU NALCA YUBA

^25-26 Anasa Yesus adya sikenek saaboka lebnesukaʾ ara, ”Abyatar bera Imik Neyung yuba wa gakaʾ dubnya ulumok salek, Daud bedya unumokaʾ ara, ugunda anam eininggululum de? Daud beb alab neikaʾ ulumek nang era, sikda gwaneng dengaboka, gwaneng ok ubsuk salek era, alda Imik Neyung bedyaʾ ek wakoka, Imik Neyung amba beillilemek roti gwaneng enyek delemok. Nunja yub ek sam momnya dobokaʾ ara, Imik Neyung bedyaʾ ek sam beil balamak gwaneng era, yuba wa gak nang ok delenok alalabok, Daud bera doboka deregoka, onoʾ hnon alab neikaʾ ulumek nang ek elekdangoka neikaʾ delemek,” hyok.

MARKUS 2:25 Referans Kwoze

LUKAS 10:26

Danyek Yesus adya benyek an lebokaʾ ara, ”Imik Neyung adya unuwanalum an yuba bukuk sam ara, hekaʾ aro momnya dobok do? Anja dara, nera hekaʾ ak lebok senelelam do?” aboka saaboka heibok.

MARKUS 12:26

Alda nimi somogamna nim embengaʾ suboka bunaʾ ak sam amba dara, ugunda Musa bedya gel ek uk bokaʾ ok singilimokaʾ amba leboka, momnya dobokaʾ ara hnon eininggululum de? Dara ban momnya dobokaʾ ara, Nara Abraham bedya Imik Neyung, Ishak bedya Imik Neyung, Yakub bedya Imik Neyung ulumna, aboka lebok.

MARKUS 12:20

”Wera, al kabo nang era nimi sekbadya nang ulumek. Yandonya bera gela doboka, me beilinaʾ orok bok, somogok.

MATIUS 22:31

Bok nimi somoklomak nimi nidyaʾ embengaʾ suboka buknemak an yub era, bukuk sam momnya dobokaʾ ara eininggululum de? Imik Neyung adya lebokaʾ ara:

MATIUS 21:42

Danyek Yesus adya sikenek, ”Ugunda Imik Neyung yuba momnya dobokaʾ ara hnon mekaʾ eininggululum de? E sonaʾ nang edya, loboka e songgulumak girik era, men perob girika dangamok. Anera Imik Neyung adya unusukaʾ ara an, perob nongaʾ senelemab e! aro momnya dobok,” hyok.

MATIUS 21:16

Dara sikja Yesus ak, ”Sikda an wenyalamakaʾ ara, anda kelam de?” hyek. Wenyek Yesus adya, ”Yo, naba kenadyok umna,” hyookanya, ”Mab ab, momden mab eb dara, perob senewoka giblenokaʾ aboka, anda unusulum, an momnya dobokaʾ ara, ugunda eininggululum de?” hyok.

MATIUS 19:4

Wenyek Yesus ara sikenek, ”Men soko uyimoknya bera, men sum era, nengma ab gel ab uyisuk aro momnya dobokaʾ ara, ugunda anam einiwanggom de?

MATIUS 4:2

Yesus ara gwaneng bunya yubyek inimnek moruwoka, lika denga hnonok uboka ebdobnya mekbadya (empat puluh hari) mabmorumok. Dara alda gwaneng ok nong ubok.

MARKUS 2:24

Dara Parisi nim edya Yesus ak, ”Anja yuba doro diriga ban nang era, nunja yuba momnya dobokaʾ Sabat mem sum bok, hekasa sikda blekoka gandum daklamak do?” aboka heibek.