MARKUS 2:16 - PERJANJIAN BARU NALCA YUBA

¹⁶ Wera anasa, Parisi nim edya Yesus ara rupiah mok soko amba leboka molowoka dolosik nang eb, heik yokaʾ nim edya malya nimi senelesik nim eb, neikaʾ bukoka delemekaʾ ak eiyimek dara, sikja Yesus adya yuba doro diriga ban nang ek, ”Hekasa ugunjaʾ yuba neksinya bera, mok soko amba rupiah molowoka dosin nang eb, malya nang eb neikaʾ bukoka delemak do?” aboka heibsik.

MARKUS 2:16 Referans Kwoze

LUKAS 19:10

Nimi dibaʾ me ara, weiningdangamoknya nenyek eboka blebnunaʾ aboka yeilimok,” hyok.

LUKAS 18:11

Dara Parisinya bera albeyok sekoka lero mololemokja, Wei Imik Neyung o, nara yok nang ulumak sokaʾ ak unggulumna, nara hokaʾ donggulunanya, nara gununggulunanya, nara gela salyaʾ salenggulunanya, anasa anak perob aboka gibgen. Nara ban rupiah mok soko amba mololanya benesoʾ ak unggulumnaʾ anasemba, perob aboka gibgen.

1 KORINTUS 2:15

Geisa lomok ulumak nim era, yokaʾ-yokaʾ nidyaʾ ara yana lelelabok, al nong ak dara, yok nim edya yana lelenggulumak.

RASUL 23:9

Dara, sikda mala weboka doluwoka nauba obdangdo balamek. Dara, Parisi Imik Neyung yuba neksinaʾ ulumek nang edya yeiriwoka lelemekja, ”Nunja dara, Paulus benera hnon malya uboka meknenaʾ orok,” aboka lelemek. ”Alja yuba lelemla ara yok ganya edya gom, lero edya golulumokaʾ adya gom, lelemla gom anasa, mem,” hyek.

LUKAS 19:7

Nimi nidyaʾ ara anyek eibek dara, hyak nauba dogom eleng alamek. Anya sikja lelemekaʾ ara, ”Wei, hyak malya nongnya bedya ek nim e bul bilimla bar!” aboka lelemek.

IBRANI 12:3

Dara ugunda hmenga dangoka ganya obdoumunuk aboka, alda al nong anyek malya unaʾ nim ek ab derenaʾ anyek or wenyalanenok senewoka doboknya bek, anyek hyak sobaʾ beklelulum.

MARKUS 2:7

”Hekasa ban anaso wenyaro lelemla do? Ban benera Imik Neyung si malya nenelamla,” senewoka seiniwek. Onoʾ, ”Imik Neyung ak hnonok, nim adya malya unaʾ era sikenek ab soba memelesilnya anasa, nim adya dara, unuwanggunuseng,” senemek.

MATIUS 18:17

Wera ban nang enedya anda aldib malya ublum aboka lebnemak bok, bera kebnenggunusil dara, alja malya umlyaʾ ara, Imik Neyung yuba donaʾ nim ek laga lebnelum. Wera onoʾ Imik Neyung yuba donaʾ nim edya, wenewanamak bok, kebnenggunusil dara, alda Imik Neyung ak elgomnya gom, mok soko amba rupiah molowoka doro unya gom, anaso ak ulumla senelemnelum,” hyok.

MATIUS 9:11

Dara Parisi nang edya ban unulumekaʾ ak eibsik. Anya sikja Yesus alja yuba doro diriga ban nang ek, ”Hekasa ugunjaʾ neklesilnya beb, mok soko amba leboka rupiah molowoka dosin nang eb, nim adya malya senelesak nang eb neikaʾ bukoka delemak do?” wenyaboka heibsik.

MATIUS 5:46

Anasa ugunda ugunuk an wanaʾ ulusak nim ok numbabya wanaʾ ulunob senelelum dara, hekasa Imik Neyung ara ugunja unululumaʾ sunuwoka perobaʾ eleganesuso do? Anaso ganya era mok soko amba rupiah molowoka dolomak nang eneba ganya en boboka unulumak.

MARKUS 2:15

Wera Yesus ara Lewi bedya ek sam bukoka denaʾ neikaʾ delemek dara, nimi nauba rupiah molowoka dolosik nang eb, heik yokaʾ nim edya malya nimi senelesik nim eb, nimi nauba Yesus ak hnonda diriga ban nang ulumekaʾ anasa, Yesus ab, alja yuba doro diriga ban nang eb, sikeneblaboka delemek.

LUKAS 5:30

Parisi nanga hnon, Yahudi Imik Neyung yuba neksin nanga hnon wene nang edya, sikda lek ganya bomeekanya, Yesus adya alja yuba doro diriga ban nang ek, ”Ugunda hekasa rupiah molowoka dosin nang ab, malya nang eb, neikaʾ delelum do?” aboka heibsik.