MARKUS 2:12 - PERJANJIAN BARU NALCA YUBA

¹² Wera Yesus adya hweboknya bera, nimi nauba kemelemekaʾ hnoum, esonaʾ doboka bobookanya byuk. Dara, nimi nauba ara anyek eiyiboka lok ganya boboka Imik Neyung ak giblemek. Anya sikja dara, ”Nunda senenggom damok era anasoʾ ara hnon mekaʾ eibnenggumouba!” aboka lelemek.

MARKUS 2:12 Referans Kwoze

MATIUS 9:33

Dara Yesus adya bisaʾ era yakoka hwebok dara, bera wene sab-sab merewoka yuba sabok. Dara nimi nauba loka daboka lelemekaʾ ara, ”Nunda Israeli sokok ara, anasonya nera hnon mekaʾ eibnenggumouba!” alamek.

MATIUS 9:8

Wera Imik Neyung adyaʾ senenggom migib era, nim ek seleb elegosukaʾ anasa leboka, nimi nidyaʾ ban unumokaʾ anyek eibek nim edya dara, ganya lok uboka Imik Neyung ak gigilemek.

LUKAS 7:16

Dara nimi nidyaʾ lok ganya boboka Imik Neyung ak gigilemek. Anya sikja dara, ”Senenggom ununumnaʾ lesinya bera nu gangganek sam seleb lanawal. Imik Neyung ara alja mabo silibaʾ ak blebnunaʾ aboka, wera seleb yok!” alamek.

RASUL 4:21

Dara, dub nang ara, Petrus Yohanes ak hnonok sibin anaba damok eboka eibnenggumeekanya, nimi nidyaʾ ara heimoknya hwemok ak eiyiwoka Imik Neyung bek gigilemekaʾ anasa, dub nang edya dara, wera Yesus si sibuka unulurum ara wen lobnerum aboka, hyak webluwoka lobonggomek.

YOHANES 9:32

Youmaʾ ek moruwoka wene salek enera, me beillilamna sum ek ab henga luma unanya bera, nim adya heng gwelegiyimek anaʾ ara kenggulumak.

YOHANES 7:31

Bok, nimi nauba longomek nim era Yesus ak dib senewoka lelemekja, ”Kristus adya nimi blebnesil aboka eimik eleganesilnya yalya dara, ban ben unulamla sok, yokaʾ-yokaʾ lok soʾ anyek beknaʾ dibaʾ unuwanamla de?” hyek.

LUKAS 17:15

Dara nimi ben hnonjok, alda seleb merewan senewoka ella ubdok dara, bera saaboka Imik Neyung nauba gibgiga Yesus ak nekel yeilimok.

LUKAS 13:13

Dara Yesus adya gel genyek soruka dibok dara, wene salek enyek, gel gera jongaʾ sekoka, Imik Neyung ak giblemok.

LUKAS 5:26

Nimi nidyaʾ ganya loka daboka, Imik Neyung ak nauba giblemek. Nimi nauba lok ganya boboka, ”Nunja sumen eibabaʾ ara hyak senenggom nongaʾ ak eibab,” aboka lelemek.

MARKUS 1:27

Wenyek nimi nidyaʾ ara hyak lok ganya boboka sik moumen wenyaldalamekaʾ ara, ”Wei, ban era hek damok yuba do? Wenyek bo lanawak yub! Hyak senenggom lok so uboka migib edya bisaʾ goboka yabalom hen enyek, alja yuba keboka unulumak bar!” aboka lelemek.

MATIUS 15:31

Nimi nauba dem nim anyagan ulumek nim era, anyek eiyiboka hyak nauba loka dasuk. Dara, yuba gom nim era yuba saro yabalamek, koma bulumek nim era mereboka yabalamek, nonga heilisuk nim era pe yan ingi yabalamek, henga luma ulusuk nim era pe henga gwelegoka eillilemek. Nimi nidyaʾ ara anyek eiyiboka, Israeli nim era Imik Neyung bek giblemek.

MATIUS 12:23

Nimi nidyaʾ eiyimek nim era, ganya loka daboka, ”Ban benera Daud nang yilaʾ an goma?” aboka lelemek.

MARKUS 2:11

Dara, Yesus ara heimoknya bek, ”Anda bukoka anja esonaʾ doboka bobmenekanya, anja ek bilom hegen!” hyok.