MARKUS 16:6 - PERJANJIAN BARU NALCA YUBA

⁶ Bok goubenenya benedya sikenek, ”Ugunda lok ganya bonaʾ ara mem! Ugunda Yesus ban Nazaret mok ebnya, seleb oboka galak glarobnya benyek, elelum. Alda seleb embengaʾ suboka bukumla. Alda anyagan ara unggulumla. Wera al beiyimoungaʾ ak ara, anyek kendululum.

MARKUS 16:6 Referans Kwoze

LUKAS 24:46

Onoʾ hnon Yesus adya sikenek, ”Imik Neyung yuba bukuk lomok sam ara lero momnya dobokja, Kristus, nimi blebsinaʾ dubnya bera nauba igina kweboka gweknamlakanya, winilinya sum era somoklomakaʾ ak ab onsok embengaʾ suboka buknamla.

RASUL 4:10

Neyung yab dub nang ugumbabya hnon, onoʾ Israeli sokok nimi nidyaʾ hnon, ella danalum. Ban heimokaʾ anyek embengaʾ seklelanya benera si ara, Yesus Kristus Nazaret mok ebnya bedya migib adya, ugunja hogunguk hyak eikaʾ sekla. Ugunja seleb oboka gal ak glablum dara, somogok bok, Imik Neyung adya somoknaʾ ak ab suboka bukiyimoknya bedya migib adya ubla ara, ella ubnalum.

MARKUS 1:24

”Wei, Yesus Nazaretnya o, nuk hekaʾ hubdanamabaʾ anasa yeililam do? Anda nuk obsununaʾ aboka yeililam de? Anda heknya ululamaʾ ara, nara ella ulunggen; anda Imik Neyung bek ab geisa nongaʾ ak bokol yeilinjoknya bek ululam!” aboka lelemok.

MATIUS 12:40

Yunus bera senenggom hadyaʾ mon lomok sam inimnek yubyek lika winilya mabmorumok. Anasonya neikek, eimik era onoʾ nimi dibaʾ me neneba soko lomok sam inimnek yubyek lika winilya mabmoruwanamla.

MARKUS 10:34

Dara nimi dibaʾ me nek nauba derewoka waboka, gamalaʾ solobgouluwoka, lobaʾ nenewoka saboka obnemak. Bok li winilya seleb mablya dara, alda embengaʾ suboka buknamla,” hyok.

MARKUS 1:27

Wenyek nimi nidyaʾ ara hyak lok ganya boboka sik moumen wenyaldalamekaʾ ara, ”Wei, ban era hek damok yuba do? Wenyek bo lanawak yub! Hyak senenggom lok so uboka migib edya bisaʾ goboka yabalom hen enyek, alja yuba keboka unulumak bar!” aboka lelemek.

MARKUS 9:15

Wera nimi dara, Yesus nong ak eibik dara, sikda senenggomnya be yanggal bar aboka, alak pika dil yek.

MARKUS 14:33

Dara Yesus ara, Petrus beb, Yohanes beb, Yakobus beb, neikaʾ binimab aboka eboka bobsuk. Dara, alda ganya loka daboka ingmuna bere-bere balamok.

RASUL 2:24

Bok Imik Neyung migib adya Yesus ak nimi somoklomakaʾ gangganek ab, suboka embengaʾ bukiyimok. Alda somoknaʾ lomok sam unggulumnamso anasa, somoknaʾ damok adya doboka menegemok bok, Imik Neyung adya henga loboka blebiyimok,” hyok.