MARKUS 16:1 - PERJANJIAN BARU NALCA YUBA

¹ Wera sikja Sabat mem sum era seleb iniwok dara, Maria Magdalena geb, Yakobus eilin ge Maria geb, Salome geb dara, Yesus beʾ ngikil binimab aboka, perob song ngiknaʾ mek dekek.

MARKUS 16:1 Referans Kwoze

LUKAS 23:56

Gelewa dara, sikda ek biniboka, Yesus adyaʾ beʾ galak ngiknobaʾ aboka, gen-gen song meklaʾ ab, ngiknaʾ mek ab meewoka beil byik. Sabat mem sum seleb lebek dara, sikjaʾ yuba dolomekaʾ sunuwoka wa wenaʾ ara or lo pemek.

MARKUS 15:40

Dra ono al neikek ara, gelewa wene nim mok ab sekoka, nidyaʾ an unulumokaʾ ara kemelemek. Wera gelewa gong dara, hnonda Maria Magdalena, hnonda mek Yakobus, Yoses eilin Maria, hnonda Salome ge hnon ulumek.

YOHANES 19:31

Yesus ara Yahudi nim edya Sabat mem sum oka dangamok dara, nim oboka gal ak glabalonaʾ mem senelemekaʾ anasa, Yahudi nang edya, Yesus ab neikaʾ oboka glasik nang eb dara, sikja yana bologoka, nimi beʾ dakoka sokok sam dibnemak aboka, Pilatus bek or unuwanamak gom aboka molol yeilimek.

YOHANES 19:25

Dara, Yesus oboka glamek gal damak ara, Yesus alja genong geb, alja weisab eb, Klopas alaʾ gel Maria geb, yok Maria Magdalena geb, diri seklemek.

MARKUS 16:8

Wera gelewa dara, lok adya ber-ber aboka dilinaʾ ak ab gobek dara, yeiri byik. Dara, sikda lok anasa, yok nim ek wenyanaʾ ara wenyhenggubek.

MARKUS 15:47

Ban unu dililemek salek era, Maria Magdalena geb, Yoses eilin Maria geb dara, anyagan dibukaʾ ak ara eibdek.

MARKUS 14:8

Ban gel genedya unuwalnya nera, alja unuweisinya senelanya nera an unuwal. Ban gel genera nak soko loknenyakaʾ amba perob song mek enera, men orowek nadya nongok yek goluwanel.

MARKUS 14:3

Wera Yesus ara, Betania heikek sam gororomaʾ adya malya uro delemoknya Simon bedyaʾ ek sam denaʾ dero bukek bok, gela hnon yok. Dara, gel gera alda perobaʾ gen-gen song mek, nauba rupiah deklemek anyek, gokno hmeiyek bo yeiniboka, joboka, Yesus adyaʾ huk dubuk sam yekel golulumok.

LUKAS 23:54

Ban unuwok sum era, lam sum ek unuwok, anya Sabat mem sum alamek sum era oka dok.

MARKUS 15:42

Dara mok soko ara, seleb sin dangoka iniwonunaʾ ubuk salek, anya ban sum era, mem sum gibnemab senewoka memero ulumek sum.

MARKUS 16:2

Wera minggu en men sum yenewok dara, lugunaʾ nonga henga dorogol yabok dara, gelewa dara, Yesus diyimekaʾ ak sam balamek.

LUKAS 24:1

Dara minggu en men sum era, hyak lugunaʾ nong enyek, gelewa dara, gen-gen song meklaʾ ab, ngiknaʾ meka meewoka beiyimekaʾ ab bobek dara, Yesus diyimek girik damek sam bo byik.