MARKUS 14:1 - PERJANJIAN BARU NALCA YUBA

¹ Israeli nim edyaʾ eillosinaʾ amba beknaʾ sum, Paskah sum eb, welenaʾ orok roti gwanenga den suma yenewanamokaʾ ara, anam lika penya ok lobonggok. Ban salek era, yuba wa gakaʾ dub nang eb, yuba neksin nang eb dara, Yesus ak gelelenga hekaʾ uboka heng geregoka obnemab do senewoka pik elemek.

MARKUS 14:1 Referans Kwoze

YOHANES 13:1

Paskah sum era ampum so dok dara, Yesus ban sokok anara loboka, aljaʾ neyung bek binimok salek era oka dokaʾ ara ella ubok. Sokok an alja yuba dolomek nim ek sobaʾ wanaʾ ulusuk sok, onoʾ sirikaʾ daknamok sum eneba wanaʾ ubsuk.

YOHANES 11:47

Dara, Parisi nang eb, sikja Imik Neyung yuba wa gakaʾ dub nang eb adya, yuba sabnobaʾ aboka, mok soko dam nang ak molowoka, sikda nidyaʾ eb bolobdangoka longowoka Yesus ara yokaʾ-yokaʾ hyak nauba lok soʾ ara beknaʾ dibaʾ unulamlaʾ anasa, nunda hekaʾ hubnemab do aboka yuba salamek.

MATIUS 12:14

Bok Parisi nim ek dara, Yesus ak obnemab aboka, yuba sabnobaʾ aboka, Imik Neyung ek ara loboka yokok mamagel bilimek.

MATIUS 6:2

Anasa wera, ugunda bonaʾ garan nim ek unuruwaʾ eleganemun dara, sene bol nenelemak nang edya, yok nim gigiweisinok senewoka, benggong leboka bonaʾ laga boklomak sok, ugumba anaso ununggom, mem. Nimi sene bol nenelemak nang era, senenggom pik gwandanyaʾ ak sam gom, Yahudi nim edya yuba don ek ab laga unulumakaʾ dara, yok nim edya eiyiboka pelemak senewoka gigiweisinok aboka unulumak. Wera sikenek gigilesak dara, wera deknaʾ ara alan seleb dolomakaʾ anyek, ugunuk dib lebsin.

MARKUS 14:2

Bok sikja lebekaʾ ara, ”Senenggom malya damoka gliboka beibibyek anasa, senenggom sum emba yokaʾ-yokaʾ meewanamak salek era, unuwanggunumab,” abdek.

MARKUS 14:12

Wera welenggom roti gwanenga den sum, men nong sum era, nim ara giboka domba pam oro yabalamek salek, Yesus adya yuba doro diriga ban nang era alak, ”Anja dara, har sam ak Paskah sum ansamba meewoka beibneseng senelam do?” aboka heibek.

RASUL 12:4

Wera, Petrus bek seleb salawoka henga goumek dara, nimi henga goubuka uka gasa beillilisik ek sam doronggoka beiyimek. Dara, Petrus be henga geregoka beiyimek ak ara yin bon nang yaknaʾ dombadya jam bokoka, onoʾ nimi nonga yin bon nang eneba dombadya nang pikik leboka welemek. Wera Yahudi nang edya welenaʾ orok roti gwaneng den sum era seleb debgogowoka ubije enyek, Herodes bedya dara, Petrus bek nimi hnoum yana lelewanamna senemok.