MARKUS 13:9 - PERJANJIAN BARU NALCA YUBA

⁹ ”Bok ban ugun nong ara, pe keebdaboka ulumnelum! Eimik era ugunda yub amba yana lelesin nang ek dob elegoka, ugunda Yahudi nim edya yuba don e pik saboka olomnesak. Ugunda nasamba leboka, mok soko dub nang ek hnon, wenesin dub nang ek hnon, sik hougunguk laga nasamba yub enyek sikenek lelenokaʾ aboka, unulumnesak.

MARKUS 13:9 Referans Kwoze

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

MARKUS 13:5

Anasa Yesus ara sikenek, ”Ugunuk hnon nim edya sondaʾ amba bobnenewoka lebsijek anasa, keeboka ulululum!

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

2 TESALONIKA 1:5

Ban nong adya, anyaganyeb danyek, Imik Neyung ara alda hekaʾ huboka yana lelewoka beknaʾ dangalamla ara laga danamlaʾ ara, Ugunda Imik Neyung wenesin heik amba leboka nauba igina kweboka gweklelumaʾ anasa, wera ugunda aldib Imik Neyung wenesin heikek weknelum nimi beknaʾ laga ulumla.

PILIPI 1:29

Anasa Imik Neyung adya ugunuk perob eleknaʾ elegosukaʾ ara, Kristus ak dib senelenokaʾ aboka ok eleganggubsuk, alda onoʾ Kristus amba igina kweboka gweklenokaʾ aboka hnon, elegosuk.

RASUL 21:11

Alda nuk sam yeiniboka, Paulus bedya gouka noronaʾ ek domok. Dara, Paulus bek ab dobok gouka noronaʾ adya, alja yan eb, soruk ab norobdangoka lebokja, ”Imik Neyung Geisinya bedya nak wenyanel ara, Ban gouka noronaʾ damnya bera, Yerusalem heikek ab, Yahudi nim edya henga goubijekanya, Yahudi gom nim edya sorukuk eleganamak,” wenyaboka lemok.

RASUL 9:16

Dara nadya eimik era, Saulus bek nasamba leboka alak yokaʾ-yokaʾ nidyaʾ igina kwebnamla anyek elegoka aawanamna anasa, or bilom,” hyok.

RASUL 7:54

Yahudi yuba san nang edya, Stefanus bedya lelemok yuba kemek dara, sikja ganya oblumugoka mona yeilib menegesuk dara, sikda Stefanus bek si gleng darawoka yu ganya bomek.

YOHANES 15:20

Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

LUKAS 9:5

Nublaboka neikaʾ ulumnemab aboka dobnenggunusak heik era, heik enyek ara lo yabamunukanya, yan blesa anyek heik enyek an habdeboka binilumaʾ adya, siksamba beknaʾ dibaʾ danamla,” aboka wenewosuk.

MARKUS 6:11

Bok ugunda yok mok binilumaʾ anyek, bumun mok enyegan nim edya, ugunuk perobaʾ leboka dosinaʾ loboka, ugunja lebnelum yub eneba kebnenggunusak dara, heik enyek ara, lo yabamunukanya, sikda ella danokaʾ aboka, ugunja yan sembejaʾ habonggoka yibinilum!” wenhyok.

MARKUS 1:44

”Anda yok nim ek nara merewan aboka nekdo yabanaʾ ara hyak mem. Alda Imik Neyung yuba wa gak nim ek, anyaganyek hnonok or bp amaldal bilom. Dara anda merewalamaʾ nong amba ok hnonok, aldib an merewal anaʾ dibaʾ Musa bedya unululum aboka lebok sok, Imin Neyung ak sam pam oboka gibil binilam,” hyok.

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

MARKUS 13:8

Dara yok mok soko nim edya, yok mok soko nim ek mala boboka, nauba obdangdo yabalemnemak. Mok soko me sogoumaʾ dorogoka, gwaneng okaʾ lanawanamla. Dara ban yokaʾ-yokaʾ unulumnamlaʾ nidyaʾ ara, wenyok yok un salek dorowonunaʾ aboka, anam ganya okna dabnaʾ lanab einiwanamlaʾ ara an.”

2 YOHANES 1:8

Wera nenesa, nunja ugunsamba memesubnya nenyek weininggomunuk aboka, pe diri bo ulululum. Imik Neyung ak ab perob deknaʾ ugunja welelumaʾ sunuwoka dobgogowanob senewoka yeiriwoka keebmoublulum e.