MARKUS 13:12 - PERJANJIAN BARU NALCA YUBA

¹² Nimi be hnon aljaʾ meneng hem benyek, yok nang ek or obnelum aboka dob eleganamla. Dara neikik, be hnonja alaʾ me ak unuwanamla. Hnonda meneng mab edya, sikja genonga neyung ak obdangoka yuba dil balameija dara, hnon dibaʾ olomnemak.

MARKUS 13:12 Referans Kwoze

MATIUS 10:21

”Nimi nidyaʾ nadya weis ek obnelum aboka, yok nim ek lebdangdo yibinemak salek hnon yanamla. Neiksonya nera hnonda eili bedya alaʾ me ak gom, alja me nedya eili bek gom unubdangdo yibinemak. Meneng mab edya, sikjaʾ genong neyung ak yok nang ek obnelum aboka yuba dibdangdo yibinemak.

LUKAS 21:16

Ugunuk ara, ugunjaʾ genonga neyung adya hnon, ugunja weisab edya hnon, ugunjaʾ meneng ek nim edya hnon, ugunjaʾ hem yab edya hnon, obsululum aboka yuba dil binisak. Ugun nong ara hnonda sikja obnesak.

MATIUS 24:10

Dara ban salek era, nimi nauba yuba domeija bok dib senenaʾ ara dengaboka, waboka malya nenebdangoka obnelum aboka yuba dibdangdo yibinemak.

MARKUS 13:11

Dara ugun nong ara henga geregoka, giliwoka bo biniboka, yok nang soruk ak dob eleganasak dara, nunda hekaʾ huru yuba sabnemab senewoka ganya daldom-daldom anaʾ ara mem. Ugunja ganya doboka sabnenggunulum, alda Imik Neyung Geisinya adya sabnelabok anasa, wera ban salek enyek anak eleganenggelaʾ sunuwoka, yub enyek or wenyhenelum.

MARKUS 13:13

Ugunda nadya si nenesa leboka, nimi nidyaʾ ara ugunuk lek senelemnesak. Bok ban nidyaʾ unuldalameija hnoum an siklewoka bulumlyaʾ ara sidyaʾ daknamla dara, benyek eimik era blebnamla,” wenyaboka neksuk.