MARKUS 13:10 - PERJANJIAN BARU NALCA YUBA

¹⁰ Bok Imik Neyung adyaʾ perob lero yanggan yub ek dara, mok soko me nidyaʾ men leb elekdo yibinimak.

MARKUS 13:10 Referans Kwoze

MATIUS 24:14

Dara, Imik Neyung adya wenelemnesilaʾ perob lero yanggan yub era, yok-yok mok soko nimi nidyaʾ kebnokaʾ aboka, sokok me nidyaʾ men leb elegeijebok, wera sidyaʾ dagalongnaʾ ara, eimik daknamla,” hyok.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

WAHYU 14:6

Dara onoʾ lero be hnon, hyak imik nongok gwebdo yabalamokaʾ ak eibsa. Dara ban lero era, perob lero yanggan ulmoubnaʾ yuba nimi sokok an perob yuba siksamba wenyhusunun aboka yok. Dara, sik yok-yok mok soko ulumak nim eb, sik yok-yok nimi yilaʾ ulumakaʾ ab, sik yok-yok yuba salamak nim eb, sikja nimi gumaʾ yok-yok unulumak nim eb, hyak nidyaʾ dumunga ab, ban nidyaʾ ara yok-yok bok, perob yuba siksamba wenyhusunun aboka yok.

KOLOSE 1:6

ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

ROMA 10:18

Anasa nara ugunuk heibsunun: Wera sikda kenggulumek de? Sikda seleb kelemek bok, ”Sikja salamek anyek koblemok yub era mok soko nidyaʾ obdangoka, sikja salamek yub era mok soko dagalongnaʾ nidyaʾ ob lelemok.”

MARKUS 16:15

Onoʾ, alda sikenek wenhyok, ”Ugunda yok mok soko me nidyaʾ biniboka, perob lero yanggan yub era, nimi nidyaʾ ak leb elekdo yabalemnelum.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

ROMA 1:8

Hyak men dara, nadyaʾ Imik Neyung bek perob aboka giblamnaʾ ara, Yesus Kristus pik uboka, ugunja ganya yuba dib dobek an yub enyek, mok soko nidyaʾ ol lelelamlaʾ amba giblamna.

MATIUS 12:41

Soko sidyaʾ daknamla sum era, Niniwe heikek ulumek nim era, wene salek an ulumak nim eblaboka neikaʾ suboka buknemaakanya, Niniwe nim edya wen ulumak nim ek malya ululum aboka yana kibnemak. Nera Niniwe nim era, Yunus be sikenek Imik Neyung yuba leb elegosuk sum era, sikda ganya dangawoka domekaʾ anasa ubnesak. Bok anyaganera Yunus bek alda mek so bok, wera nauba sonya ben hnon ulumla!