MARKUS 12:9 - PERJANJIAN BARU NALCA YUBA

⁹ Wenyabgogowok dara, Yesus ara Yahudi nang ek heibnesukaʾ ara, ”Wera wa damnya bera, hekaʾ hubnamla senelum do? Wa damnya bedya unuwanalanya nera ban: Alda yeiniboka men wa weboka memelemek nang era, nidyaʾ obnamlakanya, wa ara yok nang ek ugunja welelulum aboka lebnamla.

MARKUS 12:9 Referans Kwoze

ROMA 10:20

Dara Yesaya bera asaʾ ganya boboka an wenhyok, ”Sikda nak enggulunyak nim enyek, nara or eibdanamab senewasa. Sikda nak heinggulunyek nim ek, nara seleb laga bo aamabdasa,” wenyamok.

LUKAS 19:27

Anya wenera, nak an alda nunja mok sokok dubnya deisilyek senewoka isaʾ gebnyek nim era, nidyaʾ nimi bo yeiniboka, nadyaʾ saramek anyeb hyakaʾ obnelum, hyok,” wenyaboka lebok.

MATIUS 21:43

Dara Yesus adya, ”Anasa ugunda pe beknelum, ugunuk ab Imik Neyung wenesinaʾ damok ara, gwenewoka, Imik Neyung yuba doboka pe unulumnamak nim ek eleganamla.

MATIUS 22:7

Wera dubnya bera anjaʾ wa wen nang ek unuwasak an yuba kebok dara, dubnya bera hyak yu ganya bobok. Anasa dubnya bedya yin bonaʾ nang ek unuwak aboka nekoka orugosuk dara, nang en nonga oboka, sikja heika nidyaʾ uka dabsik.

MATIUS 12:45

Anya onoʾ eimik era, yok sekbadya bisaʾ era alda mek so bok, hyak yu nong bisaʾ enyek el balamla. Anya wera sikda benedya lomok an wekna dara, sikda anyagan ulumak. Dara bisaʾ dan weknanya bedya nong unaʾ era, youmaʾ dara, or mek so bok, wenyek dara, hyak gobdo malya dangalamla. Ban nenyekaʾ anyek, wene salek an ulumak nim era unuwanasil,” hyok.

MATIUS 21:34

Wera doka dakna salek seleb oka dok dara, wa damnya bera galdoka dakoka beibnok aboka, alja oruknaʾ nang ek bo bokol yousuk.

MARKUS 12:8

Dara sikda me nen saboka olomekaʾ ara, somogok dara, anggur wa lekaʾ beiyik sam doboka bobogek,” hyok.

MARKUS 12:10

Ugunda ban yub en Imik Neyung yuba momnya dobokaʾ ara, hnon eininggululum de? Nim e son nang edya lorob girik era, men beiyiboka sunun girika dangoka ulumla.