MARKUS 12:1 - PERJANJIAN BARU NALCA YUBA

¹ Dara onoʾ Yesus ara, sununaʾ adya sikenek nek einiwosukaʾ ara, ”Nimi ben hnon anggur wa weboka mebgogowok dara, wa gokgobok nidyaʾ lekaʾ dob ganagamok. Dara, gal dok meka londelemnamna aboka, soko lokookanya, we seknaʾ e hnon imik moruwoka sobok. Ban seleb dara, nimi wa wen nang eboka welemnelum aboka, lebgogowok dara, alda yok mok sokok byuk.

MARKUS 12:1 Referans Kwoze

MARKUS 13:34

Sununaʾ ara, nimi be hnon yok heik binibnekanya, alja wa wen nim ek nadyaʾ ara pe diri bo ulululum aboka, anda wa nenyek welemnelam aboka wa yok-yok elege balasil. Dara pik sindamak sam welelanya bek, anda pe welsinilelom aboka oruga balamla sok, ubnamla.

MARKUS 4:2

Dara Yesus ara sikenek yok-yok yuba damoka nauba neklesuk dara, alda yokaʾ ak sunuwoka lelesuk. Hnon anaso aboka neksuknya nera an,

MATIUS 25:14

”Nimi dibaʾ me yanggan sum era, mok soko hogung ara, ban sununaʾ eneso ubnamla. Nimi ben hnon binimookanya, alja bonaʾ unuruwaʾ beiyi balamokaʾ ara, alja wa wen nang ek yoululum hyookanya, sikenek kemero bo ulumnelum aboka lebgogowok dara, alda mok byuk.

RASUL 7:38

Dara, al Musa holaʾ seknenggulumok mok hwalek sam Israeli nang ablaboka ulumek. Nunja neyung yabo youmaʾ nang eb, Sinai meinik sam alak samok lero eb, alablaboka yabalamek. Dara, al Musa bedya nim embengaʾ unaʾ yub era, Imik Neyung adya elegemok dara, onoʾ nuk eleklesuk.”

LUKAS 19:12

”Nimi dubnya bedya me hnon, mok soko dubnya sekiyiweinija dara, yanamna senewoka yok sokok bilimok.

LUKAS 15:13

Lika wen mabok dara, naba me nera, alja bonaʾ dara dobgogowok dara, mok heikek byuk. Wera mok bilimok heikek ab dara, bo bilimok rupiah era, malya unaʾ uboka, dek menegemok.

LUKAS 8:10

Dara alda sikenek saaboka wenhyok, ”Imik Neyung adya wenelemnesilaʾ damoka ella dangan damba dara, alja migibaʾ era ugunuk ara seleb elegosuk. Bok yok nim ek dara, sikda eilin damba uruma dililimak bok, eilinggulumak, ken dara kelemak bok, anyek senewoka pe ella danganggulumak aboka, yokaʾ ak sunuwoka lelesin,” hyok.

MATIUS 21:28

Dara onoʾ Yesus adya hnon lebokaʾ ara, ”Ban yub enesa dara, ugunja dara hekaʾ senewolum do? Wera nimi ben hnon memabo penya beiyimok. Dara, sikjaʾ neyung bedya yando me nek biniboka, Najabo, anda sumen anggur wak sam wel bininelem, hyok.

LUKAS 22:9

Wenyek sikja dara, ”Neyung anja dara, hanyagar sam meewoka ubnerak senelam do?” aboka heibdek.

MATIUS 13:3

Dara Yesus ara yok-yok yuba nauba yokaʾ ak sunuwoka lelesuk. Dara, ”Nimi ben hnon yinaʾ bo yamal bilimok,” Yesus adya wenyaro leb einiwok.

MATIUS 21:33

Dara Yesus ara, ”Ugunda ban sununaʾ enyek hnon kebnalum. Nimi ben hnon anggur wa soko meboka ninimok. Dara nidyaʾ lekaʾ dob ganagoka, dok meka londenaʾ amba, soko mek si pika weiliwoka, diri bun damba e im nong ok somok. Anya alda yok nim ek, ugunja weboka meewoka ulumnenulum abgogowok dara, alda yok heikek byuk.

MATIUS 21:34

Wera doka dakna salek seleb oka dok dara, wa damnya bera galdoka dakoka beibnok aboka, alja oruknaʾ nang ek bo bokol yousuk.

MARKUS 3:23

Danyek Yesus ara sikenek nak yoululum hyookanya, sununaʾ yub enyek sikenek neksukaʾ ara, ”Satan bedya al damnya bek har so yakdanamso do?

MARKUS 11:33

Anya sikda Yesus ak, ”Nunda elgom,” hyek. Danyek Yesus adya sikenek lebsukaʾ ara, ”Wera ugumbabya loblumaʾ anasa, nababya hek migib edya ban nidyaʾ ara unulamna aboka, laga neknenggunusin,” hyok.