MARKUS 11:12 - PERJANJIAN BARU NALCA YUBA

¹² Ampum maboka gwelegek dara, Yesus ab, alja mab ab, seleb Betania heikek ab lanawoka pikek balamek salek, Yesus ara gwaneng ok ubuk.

MARKUS 11:12 Referans Kwoze

YOHANES 19:28

Wera, Yesus adya yokaʾ-yokaʾ nidyaʾ ara hyak seleb unumokaʾ ella ulumookanya, Imik Neyung yuba ununumnaʾ yuba momnya dobokaʾ anyek gigiwolulaʾ aboka lebokja, ”Nara mek ok ubnel,” hyok.

MATIUS 4:2

Yesus ara gwaneng bunya yubyek inimnek moruwoka, lika denga hnonok uboka ebdobnya mekbadya (empat puluh hari) mabmorumok. Dara alda gwaneng ok nong ubok.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

LUKAS 4:2

Dara, alda anyegeinira liga empat puluh sum anaso ulumok dara, Iblis adya sunubyaawok. Alda anyagan ulumok salek era, yokaʾ-yokaʾ denaʾ ara hyak gobdo orokokanya, ban salek seleb danggiga balamok dara, alda gwaneng ok ubok.

MARKUS 11:13

Wera Yesus ara mok so ab, ara gal meklaʾ hnon bolomokaʾ ak eibuk. Dara, alda gal doka hnon ulumlyek aboka, gal dam enyek an, oka biniboka kemelemok enyek, alda gal doka hnon eibnenggubok. Bok ban salek era, gal dok li lanawanggom adya, meklaʾ ok bolomokaʾ ak eibok.

MARKUS 11:20

Wera ampum ara, maboka gwelegeekanya, Yesus ab, alja yub donaʾ nang eb dara, lugunaʾ nong enyek, wamok gal dam pik an yabek dara, gal era meklaʾ ak abaʾ ara moruwoka yarang anaba yalamokaʾ ak eibik.