MARKUS 11:1 - PERJANJIAN BARU NALCA YUBA

¹ Wera sikda balamekaʾ ara, Yerusalem heik berem Zaitun mein damak sam Betfage, Betania heikek lanal byik dara, Yesus ara alja yuba doro diriga ban nanga penya nang men binirum aboka boksuk.

MARKUS 11:1 Referans Kwoze

YOHANES 8:1

Bok, Yesus ak dara, Zaitun meinik sam bilimok.

RASUL 1:12

Dara, Imik Neyung yuba men domek nim era, Zaitun mein abaʾ ara Sabat mem sum era Yerusalem heik lo bilimek. (Zaitun mein ara Yerusalem berem ulumla, satu kilometer ok ulumla.)

MARKUS 14:13

Dara, Yesus ara alja yuba doro ban penya nang ek orugoka sikenek, ”Ugunda nauba heikek sam burumun dara, nimi be hnon meka gweboka bo yabalenya bek eibnerum. Dara, benyek an dobol binirumukanya,

MARKUS 6:7

Wera Yesus adya alja yuba doro diriga ban nang obadya nang ek yoululum hyookanya, nimi penya-penya darawoka boksuk. Dara, bisaʾ yaknaʾ amba migibaʾ hnon sikenek elegosuk.

MATIUS 26:30

Seleb unu debgogowek dara, sikda Imik Neyung bera hnonok sebeekanya, sikda Zaitun meinik sam byik.

MATIUS 24:3

Wera Yesus ara Zaitun meinik biniboka bulumok dara, alja yuba doro diriga ban nang era alab neikaʾ sikbeyokaʾ yuba sabnobaʾ aboka yek. Dara sikda alak, ”Neyung o, nidyaʾ ban lelelamnya nera hek sum ek unuwanamlaʾ ak aboka neksilom,” hyek. Anya, ”Neyung, an yanalamaʾ beknaʾ dibaʾ ab, sidyaʾ daknamlaʾ beknaʾ ab dara, hek lok so beknaʾ ak lanawanamla do?” hyek.

MATIUS 21:17

Dara Yesus ara sikenek loboka, heik enyek anyebaʾ ara, Betania heikek bindiwoka anyagan mabok.

MARKUS 13:3

Yesus ara onoʾ Zaitun meinik sam biniboka, Imik Neyung ek sam kemero bulumok salek, Petrus beb, Yakobus beb, Yohanes beb, Andreas beb dara, sikbeyokaʾ Yesus ak heibek,

MARKUS 11:2

Anya sikenek lebokaʾ ara, ”Ugunda men laga eer heikek enyek binirum. Wera ugunda men heik nong ok wekel borumun dara, nim abaksin pam anam gobenya anyek, nimi hnon mekaʾ abakyaawanggumeijaʾ pama geregemeijaʾ anyek eibnerum. Dara, pam enyek soudyaʾ loboka anyagan bo yanarum.