MARKUS 10:21 - PERJANJIAN BARU NALCA YUBA

²¹ Wenyek Yesus adya dubnya bek an kemeboka yadyek senewoka lebokaʾ ara, ”Nidyaʾ ara pe unululam bok, hnonok lololam. Anasa anda wera bimenekanya, anja bonaʾ nidyaʾ ulumlaʾ ara yok nang ek dekoka, deknaʾ dobmenekanya, bonaʾ garan nim ek eleganalam. Dara nenesemba lunuwoka, imik heikek beillilisil bonaʾ enyek dobnelam. An unuwamenek ab danyek, wera anda nak yamenekanya, diriga yalamnanelem,” hyok.

MARKUS 10:21 Referans Kwoze

WAHYU 2:4

”Bok nara anak sam malya senelenggenaʾ ara, Nak men danyek anda wanaʾ ulunulum sok, weneba anaso ununenaʾ anyek orok ak hnonok.

LUKAS 10:42

Bok alda dib nongaʾ ara hnonok ulumla. Anya Maria gek dara, alak ab yokaʾ adya salyaʾ dobnenggunumlaʾ perobaʾ anyek, weboka dobla,” hyok.

YAKOBUS 2:10

Nimi hnon Imik Neyung adya unuwanalum an yub nidyaʾ ak pe keboka unulamla bok, sirik hnonok bleklamla dara, wera bera Imik Neyung adya nidyaʾ momnya dobok yub ek bleklamla.

RASUL 2:45

Sikja yok-yok bonaʾ bolomek ara, rupiah dekoka dobna dara, nara anyek dobsinya senemna sok ellaʾ gigiro pe lelewoka bokol dalamek.

LUKAS 18:22

Yesus ara ban nenyek kebok dara, alja lebnemokaʾ ara, ”Hyak hnonok anam or anaso unuwanalamaʾ ara, anja bonaʾ nidyaʾ ara dekoka rupiah dobmen dara, rupiah era bonaʾ garan ulumak nim ek boknesilim. Dara anda imik heikek ulumla bonaʾ enyek dobnelam. Ban unubgogowamen dara, anda nak diriga yananelem,” hyok.

MATIUS 16:24

Dara onoʾ Yesus adya, alja yuba doro diriga ban nang ek, ”Nimi nak diriga yanenyak aboka dara, alak perob danasonya nera hibigalyekanya, aljaʾ igin yakaʾ doboka, nak diriga yalanulul.

WAHYU 2:20

”Bok nara anak igin ganya bolenggenaʾ ara, Imik Neyung adya lelemla aboka laga sondaʾ amba lelemla gel Izebel gek, eil lololamaʾ ak, banyek hnonok ulumla. Nimi nadya wa wen nang ek sondaʾ leboka, gela salanaʾ nauba unuwoka, bisaʾ ak beil balamak denaʾ bukoka dero yabalemakaʾ ak, bobnenewoka malya pik bo ablesil.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.

IBRANI 10:34

Nimi henga geregoka beillilesik nang edya engelemeknya nera ugumbabya unululum. Ugunja dara, nunda eimik era songa leboka blobnenggunumla perob so bonaʾ Imik Neyung adya eleganesilaʾ seleb ella ululumaʾ anasa, ugunja bonaʾ nidyaʾ hokaʾ nang edya doluwoka dolosik dara, or unulunok senewoka dogom alum.

LUKAS 12:33

Ugunja bonaʾ rupiah dekoka doboka, dobmun rupiah era, bonaʾ garan ulumak nim ek elegolulum. Ban unulumun dara, ugunja songa leboka blobnenggunumla rupiah beilinaʾ memelelum, nera imik heikek beillilesil bonaʾ dibaʾ ara an. Ban bonaʾ era hokaʾ donaʾ orok uboka, gereremaʾ denggunumla.

MARKUS 8:34

Dara Yesus ara anyagan nauba longomek nim eb, alja yuba doro diriga ban nang eb, ”Wei, keblulum!” hyookanya sikenek, ”Nimi be hnon nak diriga yananel aboka dara, alak perob danamlyaʾ digumaʾ ara, hyak gobdo loboka, aljaʾ igin yakaʾ doboka, nak diriga yalalul.

LUKAS 19:41

Yesus ara Yerusalem heikek lanal binibmookanya, heik era oka danggiga balamok dara, kemelemookanya, alda engenaʾ sala bukok.

LUKAS 9:23

Dara alda sik nidyaʾ ak, ”Nak diriga yanalenya bera, alak perob danamsoʾ digum ara loboka, li sobaʾ aljaʾ igin yakaʾ doboka, nak diriga yalanulul.

MATIUS 19:21

Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

2 KORINTUS 12:15

Nadya ganya doboka yokaʾ-yokaʾ ara, ugunsamba leboka, nadyinya orok nenewoka dolomnakanya, na nong anaba malyaʾ neneldalamna. Nadya ugunuk nauba wanaʾ ulusin bok dara, ugunja dara, nak ara mek wanaʾ ubnenesom de?

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

LUKAS 16:9

Dara onoʾ Yesus adya hnon lebokaʾ ara, ”Ugunda pe keblulum! Sokok an bonaʾ era malya dalya sum era, ugunda pe embengaʾ ulumak heikek doro beibsululaʾ aboka, wera nadya hemyabo nauba donulul senewoka, sokok bonaʾ enyek doboka bololulum,” hyok.

2 TIMOTIUS 3:12

Anasa wera, nimi nidyaʾ Yesus Kristus ablaboka neikaʾ kwebdangoka uboka, Imik Neyung amba gobdo geisa ulunob senelemak nim ek, lobaʾ nenewoka ol neblemnesak.

MARKUS 10:22

Wera ban dubnya bera alda hyak bonaʾ dubnya ulumokaʾ anasa, Yesus adya alak banaso wenhyok dara, angoo senewoka hyak ganya obdangoka ek byuk.