MARKUS 1:15 - PERJANJIAN BARU NALCA YUBA

¹⁵ Dara Yesus adya, ”Imik Neyung adya wenelemnesil salek era gigiwoka seleb oka dal. Ugunja malya unaʾ ak ab ganya dangawomunukanya, Imik Neyung adyaʾ perob yub enyek dib senewanalum,” aro lelemok.

MARKUS 1:15 Referans Kwoze

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 4:17

Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

EPESUS 1:10

Unu seinimokaʾ ara, yokaʾ-yokaʾ wen ulumlaʾ nidyaʾ sidyaʾ daknamla salek enyek, Imik Neyung adya dara, imik ulumlaʾ sokok ulumlaʾ, nidyaʾ hnonokaʾ ak nenewoka Kristus anyek dubnya ulumnamla aboka orowek seinimok.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

LUKAS 10:9

Dara heik enyek an, nimi neiknaʾ nimi or hwebnelum, hnonda Imik Neyung adya eimik ugun gangganek sam wenelemnesilaʾ ara oka yal aro leb eleganesulum.

MATIUS 10:7

Sikenek ara, Imik Neyung adya eimik wenelemnesilaʾ oka yal aboka nekdo yabalemnelum.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

LUKAS 10:11

Ugunja heikek ab nunjaʾ yan ak sam oumesilya blesa era ugunuk beknaʾ dibaʾ hab lobsab. Bok ugunuk dara, wera Imik Neyung adya ugun gangganek sam wenelemnesilaʾ anyek oka yalamla anyek ella danalum, henelum.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

1 TIMOTIUS 2:6

Alda nimi nidyaʾ amba leboka sikja malya unaʾ ak blebsunun badya aboka, alja nong enyek leb elekdonunaʾ aboka, elegesuk. Dara nera, sum enyek unuweisinya senewoka orowek seinimok sum era, yenewoka laga dok dara, al nong elekdok.

TITUS 1:3

Dara wera, perob sum en unuwanamna senemok sum enyek, yuba lelelulaʾ aboka orugomokaʾ adya, laga dangiyimok. Anadya wera, alja yub era, nak an anja lelelom aboka lobongganyok. Dara, nara nunja Imik Neyung bleblesilnya bedya orugonyok yub ek, sunuwoka lero yabalamna.