MARKUS 1:14 - PERJANJIAN BARU NALCA YUBA

¹⁴ Wera Yohanes bera seleb henga gerekoka gasa ek sam beiyimek dara, Yesus ara Galilea sokok sam biniboka, Imik Neyung adyaʾ perob yuba neklesuk.

MARKUS 1:14 Referans Kwoze

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

MATIUS 4:12

Yesus ara, Yohanes Pembaptis bera seleb henga geregoka gasa ek beibek an yuba kebok dara, alda Galilea moka byuk.

EPESUS 2:17

Ban nenesa leboka, ugunda Imik Neyung al ara mok geboka ululum Yahudi gom nim ek hnon, Imik Neyung berem ulumak Yahudi nim ek hnon, Kristus adya perob lero yanggan heknaʾ yub era, ugunuk lel elegel yousuk.”

LUKAS 8:1

Nen seleb dara, mandewal henggonggom Yesus ara nauba heikek abaʾ ara hnon nauba heikek uboka, onoʾ mek heikek abaʾ ara hnon mek heikek sam, Imik Neyung adya wera seleb wenelemnesil aboka, perob lero yanggan yuba leb elekgiga yabalamok. Dara aljaʾ obadya yuba doro diriga ban nang eneba alab neikaʾ yabalamek.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

MATIUS 9:35

Wera Yesus ara nauba heikek bini, mek heikek bini, hnon heikek ebaʾ ara, onoʾ yok heikek bini ura yabalamok. Alda Yahudi nim edya yuba don e pik Imik Neyung adyaʾ perob yuba leb elegoka, hnonda Imik Neyung adya eimik wenewanasilaʾ anyek perob yuba neklesuk. Dara onoʾ hnonda nonga malya ura balasuknya neb, yok-yok neiknaʾ salalesuknya nera nauba hwelesuk.

RASUL 20:25

Nara ugunuk sam seleb yeiniboka, onoʾ ugunuk hnon, Imik Neyung adya wenelemnesil yub era, ugunuk seleb nekesisa. Anasa wera wenyek dara, ugunublaboka hnon mekaʾ hogunga eibdanggunumabaʾ ara orowek ella ulumna.

MATIUS 14:2

Anasa leboka, Herodes bedya alja wa wenaʾ dub nang ek, ”Ban benera Yohanes Pembaptis bek seleb embengaʾ suboka ulumla! Anadya wera alda yokaʾ-yokaʾ senenggomaʾ migib ununaʾ unuro yabalamla,” hyok.

LUKAS 3:20

Dara, Herodes bera alda yok-yok malya unaʾ ek seleb nauba unulumokjok, onoʾ hnon sounuwoka meknewoknya nera, Yohanes Pembaptis benyek henga geregoka gasa henga gereksin ek sam doronggomok.

MATIUS 11:2

Ban Kristus adya unu wa welemok yub era, Yohanes Pembaptis bera alda henga geregoka beiyimek ek ab kebok dara, Yohanes bera alja yuba doro diriga ban nang ek Yesus ak banyek wenyaboka heil binilum aboka orugosuk.

MATIUS 4:17

Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.