LUKAS 9:50 - PERJANJIAN BARU NALCA YUBA

⁵⁰ Danyek Yesus adya Yohanes bek hnon yok alja yuba doro diriga ban nang ek ara, ”Ugunda alak mem anaʾ ara mem.” Alda anasa wera, ”Ugunuk lek anggulusak nim era, sikda ugunuk mala dolosak nim era an,” hyok.

LUKAS 9:50 Referans Kwoze

LUKAS 11:23

Nak sam mala doboka neikaʾ denenggulumab nim era, sikda nak lek aboka lolonyak. Dara nak aranenaʾ orok nim era, nadya welemna wa nek soldol meneklemak nim era an,” hyok.

MATIUS 12:30

”Nak perobaʾ leboka mala donenaʾ orok nim era, nak lek senewoka lolonyak. Nak aranenaʾ orok nim era, sikda nadyinya nenyek bolomak!

1 KORINTUS 12:3

Imik Neyung Geisinya adya bo ulusilya nim edya dara, ”Yesus ak ara meilinya,” hemenggom anasa, ugunda ella danalum aboka, neksin. Anasonya neikik, onoʾ Imik Neyung Geisinya adya diri bo usinaʾ orok nim edya, ”Yesus anyek Wenelesilnya ulumla,” hemenggom anasa lebsin.

LUKAS 16:13

”Neiknya bedya nimi penya nang emba hiboka dara, wa pe webnenggunususo. Dara, alda hnonnya bek ara lek ganya boboka, onoʾ yoknya bek ara wanaʾ ubnamso. Goma, mennya bek ganya goluwoka, yoknya bek ara, dolbalek ganya bobnamso. Anasa, ugunda Imik Neyung wa we, rupiah wa we, ubnenggunusom,” hyok.

MARKUS 9:41

Nara ugunuk aldib lebnesin, Ugunda Kristus bedya yuba donaʾ nang uboka nadya si amba leboka, ben hnonja ugunuk meka gweboka eleganesil dara, alba deknamlaʾ ok,” hyok.

MATIUS 17:26

Petrus bedya dara, ”Sekel yanggan nim edya ok deklemak,” hyok. Wenyek Yesus adya, ”Wera anaso unulumak bok dara, heik yokaʾ nim era deknenggulumneseng.

MATIUS 17:24

Wera Yesus ab alja yuba doro diriga ban nang eb dara, sikda Kapernaum heikek yek dara, Imik Neyung e amba rupiah molowoka dolomek nang edya, Petrus bek, ”Ugunja neyung neklesilnya bera, alda Imik Neyung ek weknamnaʾ amba dara, rupiah beillilamla gom, orok gom?” aboka heibek.

MARKUS 9:38

Dara onoʾ Yohanes bedya Yesus ak, ”Neyung neklesilimnya o, nub neikaʾ unggulumabnya bedya, anja si sibuka bisaʾ yaklamlaʾ ak eiyiboka, anda nubnya gomaʾ aboka, ununaʾ ara mem aboka yuba sekemab,” hyok.