LUKAS 9:22 - PERJANJIAN BARU NALCA YUBA

²² Anya Yesus ara lebokja, ”Nimi dibaʾ me ara, nauba gweknamlaʾ ara, Yahudi dub nang eb, Imik Neyung yuba wa gakaʾ dub nang eb, yuba neksin nang eb dadya, malya nenewanamak. Alda hyakaʾ obnemak bok, winilinya sum yenewalya dara, onoʾ embengaʾ subnamla,” hyok.

LUKAS 9:22 Referans Kwoze

LUKAS 24:7

Ara, nimi dibaʾ me nera malya unaʾ nim ek doboka eleganamak dara, alda oboka gal ak glabnemaakanya, lika winilyabaʾ sum era embengaʾ suboka buknamla, hyok,” herek.

LUKAS 9:44

”Ban nadya lebnamna yub enyek, ugunda hiliknaʾ loboka pe bekmoubnelum, Nimi dibaʾ me ara eimik doboka nimi migib lomok eleganamak,” hyok.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

MARKUS 8:31

Nen seleb dara, Yesus ara alja yuba doro diriga ban nang ek, ”Nimi dibaʾ me nera hyak nauba oka deregoka gweknamla. Anya Yahudi dub nang eb, yuba wa gakaʾ dub nang eb, yuba neksin nang eb dadya, alak malya gebija dara, dibaʾ obnemak, bok winilinya sum era embengaʾ suboka buknamla,” aboka neksuk.

MATIUS 17:12

Bok, nara ugunuk dib lebsin, Elia bera seleb yok bok, nim adya alak elgom ulumek, anya alak obneboka, sikja dara sangaʾ geblemek. Anasonya neikek, nimi dibaʾ me nek anaba unuwanamak,” hyok.

1 KORINTUS 15:4

Onoʾ, alda seleb soko lokek dara, winilyabaʾ sum era, seleb suboka embengaʾ welewokaʾ ara, Imik Neyung yuba momnya dobok.

LUKAS 24:26

Kristus, nimi blebsinaʾ dubnya bera, men dara, hyak nauba igina kweboka gweknamlakanya, eimik era alda imik senenggomnya dubnya nenewanamla henggubuk de?” hyok.

MATIUS 17:22

Wera Yesus adya yuba doro diriga ban nang era, sikda Galilea moka ulumek sum enyek, Yesus adya sikenek, ”Nimi dibaʾ me doboka nimi soruk ak eleganamak sum era, wera mabdabnenggunumla.

MATIUS 27:63

lebekja, ”Neyung o, youmaʾ sondaʾ hwamnya bera anam embengaʾ ulumok salek era, hnon seleb wenyalamokaʾ ara, Liga winilya seleb mablye dara, embengaʾ suboka buknamna, alamok.

LUKAS 17:25

Bok men dara, wen ulumak nim edya nimi dibaʾ me donaʾ loboka, alda igina kweboka nauba gweknamla.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.