LUKAS 8:46 - PERJANJIAN BARU NALCA YUBA

⁴⁶ Bok Yesus adya dara, ”Nimi hnon nak an sene soruka bebeganyak. Nak ab senenggom migiba hnon gobnelaʾ eibnaʾ anasa,” hyok.

LUKAS 8:46 Referans Kwoze

LUKAS 6:19

Wera nimi nidyaʾ ara, Yesus ara nimi hwesin migib alak ab goblomokaʾ adya, nimi nidyaʾ merellilisukaʾ anasa, sikda Yesus adyaʾ akleng ek soruka dibibya dara, merewananobaʾ anyaʾ senewoka dulumek.

LUKAS 5:17

Onoʾ yok sum enyek, Yesus ara anam neklesuk salek enyek, anyagan ara Parisi nanga hnon, Yahudi Imik Neyung yuba neklesik nanga hnon bulumek. Sikda Yerusalem ab hnon, Galilea sokok ab, Yudea sokok nimi heikek ab, nimi nidyaʾ yeilimek. Wenelesilnya bedya migib era, neiklemek nim ek hwebsululaʾ aboka, Yesus ak ulumok.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

LUKAS 8:47

Danyek bebegemok gel gedya dara, nadya unumnaʾ ara, ella uboka wera eibnel senewoka ella dookanya, alda ber-ber anaʾ dib yeiniboka, Yesus adyaʾ saramek sam yeiniboka oumuwoka gibok. Dara onoʾ gel gera nimi hnoum anyeb, hekasa alda Yesus ak bebegamlakanya, alja neik ek dangamokaʾ ara, wene salek denghyokaʾ ara, anesemba aboka unuwanel aboka laga nekok.