LUKAS 7:6 - PERJANJIAN BARU NALCA YUBA

⁶ Dara Yesus ara Yahudi nim eb neikaʾ yin bonaʾanya bedya ek byik. Wera Yesus ara e berem ok so yanggok dara, ”Neyung o, nara anak ara or pe yalem aboka wenyhenggunusinya anasa, salyaʾ kweldal yamenek aboka wenyaboka, nim ek Yesus ak wenyal bululum aboka orugosuk dara, wenyal byik.

LUKAS 7:6 Referans Kwoze

YAKOBUS 4:6

Ban ununaʾ anaba, Imik Neyung adya nuk elegosuk wanaʾ uboka arasinaʾ enyek hyak senenggomaʾ ulumla. Ban nenesa leboka Imik Neyung yuba bukuk sam ara, ”Imik Neyung ara, ganya imik nenewoka ulumak nim ek lek senelesilikanya, ganya sokok nenebdangoka ulumak nim ek wanaʾ uboka aralesil,” aro momnya dobok.

MARKUS 5:24

Dara Yesus ara yo aboka, Yairus beblaboka neikaʾ ek byik. Dara onoʾ nimi yok nanga nauba neik pik biniboka, nimi gong adya alak lelim-lelim al waraklemek.

LUKAS 8:49

Wera Yesus ara anam yuba salamok sab-sab, Yairus bedyaʾ ek ab oruknaʾanya ben hnon yeiniboka, Yairus bek, ”Neyung o, anja gelma era, seleb somogal. Anasa neyung, neklesilnya bek lobaʾ nenenggom, mem,” hyok.

YAKOBUS 4:10

Ugunda Wenelesilnya bek ganya sokok nenebdangoka ulululum, dara alda ugunuk imik nenewanasil.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

LUKAS 5:8

Simon bera, anyek unumokaʾ ak eiyiboka, Yesus adyaʾ saramek koma lumugoka giboka, ”Wenelesilimnya o, nara malya unaʾanya ulumnaʾ anasa, nak anyeb lo bilom,” hyok.

MATIUS 3:11

”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

LUKAS 7:4

Dara sikda Yesus ak yeindeboka, ”Neyung o, yin bonaʾanya bera alda anja arawanalam.

LUKAS 7:5

Alda nunja sokok an nim ek wanaʾ uboka, Yahudi nim edya yuba don e sonaʾ hnon alja arawoka ulusil anasa,” aboka okoka lebek.

LUKAS 7:7

Hnonda leladya, ban nenesa leboka, na nong anaba anak ara yamenggom. Anasa or yub adyok wa wenya bera merewolul aboka yuba beibmen dara, alda merewanemla.