LUKAS 6:47 - PERJANJIAN BARU NALCA YUBA

⁴⁷ Dara heknedya nak yeindeboka, nadya lelemnaʾ anyek pe kebnekanya unululanya bera, benera an nadya ugunuk wenyhenesinya benesoʾ ak ulumla.

LUKAS 6:47 Referans Kwoze

LUKAS 11:28

Bok Yesus adya dara, ”Nauba so ara, nim Imik Neyung yuba keboka pe unulumak nim enyek, hyak nauba pe ulumak!” hyok.

YOHANES 14:15

”Ugunda nak wanaʾ ulunumun dara, nadya oruklesin yub ek sunuwoka unulumnulum,” hyok.

YAKOBUS 4:17

Wera anasa, nimi ben hnon pe ununaʾ ara ella ululadyok, ununggulumla dara, malya unaʾ ara alan.

MATIUS 12:50

Nadya neyung be imik heikek ululanya bedya alja unuwanok senelamlaʾ anyek, unulumak nim era, nadya weisabo, nadya hmal gelewa, nadyaʾ genong yab ulumakaʾ ara an,” hyok.

YOHANES 13:17

Ban ella domunukanya, wera unulumnalum dara, pe ulumnalum.

1 PETRUS 2:4

Kristus al nong ak dara, nim adya malya girik senewoka lobek bok, Imik Neyung adya dara, perobaʾ leboka weboka domokaʾ embeng un girik ek ulumla. Anasa, ugunda Wenelesilnya bek youmun dara,

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.

LUKAS 14:26

”Nimi ben hnon ara nak yalanel bok, bera aljaʾ genong gek gom, aljaʾ neyung bek gom, alja gel gek gom, alja me nek gom, alja weisab ek gom, goma al nong unaʾ ak gom, hyak wanaʾ nong ulumla dara, alda nadya diriga bannya danggunumla.

1 YOHANES 3:7

Najabo yab o, yok nim edya ugunuk malya ub elegosunuk senewoka, ugun moumen sene pika yaraldanggom mem. Kristus adya pe unulamla sok, onoʾ perob ok unulumak nim era, perobaʾ nenelamla nim era an.

1 YOHANES 2:29

Alda pelemlaʾ ok ulumlaʾ ara, ugunda ella ululum. Anasa, pelemak nimi nidyaʾ ara, anera alak ab beiyimek nim ulumakaʾ ara, ugumbabya nen hnon ella ululum.

YOHANES 10:27

Nadya pama yokaʾ ak dara, nara sikenek ella ulusinekanya, sikda nadya yuba keboka nak diriga yalanyak.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

YOHANES 6:37

Nidyaʾ Imik Neyung adya eleklenel nim era nak yanamak dara, bindowoululum aboka wekdo boboganggunusin.

YOHANES 6:35

Yesus adya sikenek, ”Na nong anyek nim embengaʾ ul eleksin gwaneng era alan. Heknedya nak yanamla dara, alda gwaneng oka sobaʾ unggulumnamla. Onoʾ heknedya nak dib senewanenel dara, alda mek ok unggulumnamla.

YOHANES 5:40

ugunda embengaʾ unaʾ dobnob senewoka nak yangganaʾ lek senelelum.

LUKAS 8:13

Alda yinaʾ girik lumok sokok sam yama yinggilimoknya nera, nim anam salek era ganya goluwoka yuba dolomak bok, yub ara dibaʾ sikjaʾ ganya lomok sam yinaʾ menggulusil. Sikda anam salek seʾ ok dib senewanaʾ ara, yokaʾ sunulyamasinaʾ yanggan dara, wonaʾ dangalamaknya nera an.

LUKAS 8:8

Bok yinaʾ hnonda perob sokok malyingginiboka, pe bongowoka doka nauba moulumok dara, hnonda denga dombadya anaso moru balamok,” hyok. Yesus ara seleb wenyaboka sunuwoka lebgogowok dara, onoʾ lebokja, ”Heknyek kendamba o yakaʾ ara, pe keblul!” hyok.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

YOHANES 8:52

Dara Yahudi nang edya, ”Nunjaʾ neyung Abraham beb, yok-yok senenggom ununumnaʾ lelemek nang enebabya, seleb somogek bok anasa, anja dara, nadya yub ek dib senewoka unululanya bera hyak dib somoganggunumla alamaʾ adya, wera aldib anda bisaʾ gologonjoknya ululamaʾ ella ulunjab.

LUKAS 6:48

Alja unaʾ era, nimi hnon e girik eilibek gasa darawoka somnaʾ anasoʾ ak ulumla. Benera alda soko lomok lok-lok aboka girik eilib yangawoka solomla. Dara moka bliboka mek ililamla dara, wera alda girik eilibek somnaʾ adya, e nera mel-mel anaʾ adya golol meneknenggulumla anasoʾ ak ulumla.