LUKAS 5:29 - PERJANJIAN BARU NALCA YUBA

²⁹ Dara alda Yesus ab neikaʾ denenam aboka, alja ek denaʾ youlomok. Rupiah molowoka dolosik nang gong eb, nimi nauba yok nim eb neikaʾ bukoka delemek.

LUKAS 5:29 Referans Kwoze

LUKAS 15:1

Yok sum enyek, rupiah molowoka dolosik nang eb, heik yokaʾ nang edya dara, malya nang senelesik nang eb dara, Yesus yuba lelesukaʾ ak sam dol yeilimek.

1 KORINTUS 10:27

Imik Neyung yuba donaʾ oroknya bedya nablaboka neikaʾ nadya ek denemab aboka e bilisilya dara, or binimna senewamen dara, alja denemab aboka youbuka beiblya denaʾ era, or dululum. Ugunja ganya lomok ara, denaʾ enera hanyagarab bo yeilimak do aboka, yana leleb yaboka unaʾ ara mem.

YOHANES 12:2

Dara, anyagan Yesus amba masa youmek. Marta gera denaʾ boklomookanya, Lazarus bera Yesus ab neikik bukoka delerek.

MARKUS 2:15

Wera Yesus ara Lewi bedya ek sam bukoka denaʾ neikaʾ delemek dara, nimi nauba rupiah molowoka dolosik nang eb, heik yokaʾ nim edya malya nimi senelesik nim eb, nimi nauba Yesus ak hnonda diriga ban nang ulumekaʾ anasa, Yesus ab, alja yuba doro diriga ban nang eb, sikeneblaboka delemek.

MATIUS 9:10

Wera Yesus ara Matius bedyaʾ ek sam anam bukoka delemok salek, nimi nauba rupiah mok soko amba molowoka dolomek nang eb, nimi heik yokaʾ dam nang edya malya nang senelesik nang eb, Yesus alja yuba doro diriga ban nang eb, neikaʾ bukoka delemek.

MATIUS 5:46

Anasa ugunda ugunuk an wanaʾ ulusak nim ok numbabya wanaʾ ulunob senelelum dara, hekasa Imik Neyung ara ugunja unululumaʾ sunuwoka perobaʾ eleganesuso do? Anaso ganya era mok soko amba rupiah molowoka dolomak nang eneba ganya en boboka unulumak.

MATIUS 9:9

Wera Yesus ara anyaganyebaʾ ara loboka byuk. Wera anam balamok salek, nimi ben hnon alda rupiah mok soko amba molowoka dolosuknya, alja si nera Matius, alja wa wen ek sam bulumokaʾ ak eibuk. Dara Yesus adya alak, ”Anda nak diriga yalom!” hyok. Dara Matius bera sekoka, Yesus ak dobol byuk.

MATIUS 11:19

Wenyek dara, nimi dibaʾ me nera, alda yeiniboka gwanenga deregoka, meka deregoka ulumla dara, nim adya dara, Ugunda benyek kendululum! Denaʾ hwamnya, malya meka salyaʾ denya, mok soko amba rupiah molowoka don nang eb, malya unaʾ nim eb dadya sikjaʾ hem benyaʾ, alamak. Ban wenyalamakaʾ anyek, perobaʾ uboka geremsengaʾ ara unulumakaʾ damokok onob laga geknel balamla,” hyok.