LUKAS 5:17 - PERJANJIAN BARU NALCA YUBA

¹⁷ Onoʾ yok sum enyek, Yesus ara anam neklesuk salek enyek, anyagan ara Parisi nanga hnon, Yahudi Imik Neyung yuba neklesik nanga hnon bulumek. Sikda Yerusalem ab hnon, Galilea sokok ab, Yudea sokok nimi heikek ab, nimi nidyaʾ yeilimek. Wenelesilnya bedya migib era, neiklemek nim ek hwebsululaʾ aboka, Yesus ak ulumok.

LUKAS 5:17 Referans Kwoze

LUKAS 6:19

Wera nimi nidyaʾ ara, Yesus ara nimi hwesin migib alak ab goblomokaʾ adya, nimi nidyaʾ merellilisukaʾ anasa, sikda Yesus adyaʾ akleng ek soruka dibibya dara, merewananobaʾ anyaʾ senewoka dulumek.

LUKAS 8:46

Bok Yesus adya dara, ”Nimi hnon nak an sene soruka bebeganyak. Nak ab senenggom migiba hnon gobnelaʾ eibnaʾ anasa,” hyok.

RASUL 19:11

Imik Neyung adya hyak lok so migib ununaʾ senenggomaʾ anyek, Paulus be pik uboka nauba unulumok.

MATIUS 11:5

Henga luma yeilimna nang eillilemak, nonga yana heimna nim eikaʾ yabalamak, nong bokaʾ malya ulusil nimi hwebna dara, bokaʾ dolomak, o ounugamna nim o bakoka kelemak, seleb somogamna nim embengaʾ suboka bulumak, Imik Neyung ak ab perob lero yanggan yub era nimi bonaʾ garan ulumak nim ek lero yabalamlaʾ anyek eiyiboka unulamla aboka nekdo binilum.

RASUL 4:30

Anja geisa me Yesus si adya uboka, neiknaʾ nimi hweboka, yokaʾ-yokaʾ lok so beknaʾ senenggomaʾ lok so anyek unuwanobaʾ aboka anja arasinaʾ ara nuk elegeisilom,” wenyaboka molomek.

MARKUS 7:1

Parisi nim eb, Yahudi yuba neksin nang eb, Yerusalem heikek abaʾ ara, Yesus ak longol yeilimek.

MARKUS 5:30

Dara al neik salek enyek, Yesus adya alja migiba hnon goboka yabokaʾ ak eibdok. Dara, alda sam saaboka nimi hnoum, ”Heknedya nadya akleng ek ara, soruka bebeganel do?” aboka heibsuk.

MATIUS 15:1

Wera Parisi nimi hnon uboka, onoʾ yuba neksin nanga hnon Yerusalem heikek ab uboka Yesus ak yek. Sikda Yesus ak heibnemekaʾ ara,

YOHANES 3:21

Bok, heknedya dib nong ok pe unululanya bera, alja unulamlaʾ ara, Imik Neyung senelamla sok unulamlaʾ anyek, laga dolulaʾ aboka dilinaʾ ak yalamla,” hyok.

LUKAS 2:46

Wera elerek salek era liga winilya seleb maboka gwelegok danyek, alda Yahudi nim edya Imik Neyung yuba neklesik nang eb, yuba wa gak nang eb, sik gangganek sam sikenek heiboka, alja onoʾ saaboka leboka, Wenelesilnya Imik Neyung bedya ek sam bulumok ak eiyirek.

LUKAS 15:2

Wenyek Parisi nang eb, Yahudi yuba neksin nang eb dara, omoma lelemek. ”Wei, ban benera malya nang enyek, yoululum aboka leboka, denaʾ anaba sikeneb neikaʾ delemak!” aboka lelemek.

LUKAS 7:30

Bok Parisi nang eb, Imik Neyung yuba neksin nang eb dara, Imik Neyung adya unu webnesin senemokaʾ damok ara, dobnenggunumab aboka lek senemek. Dara onoʾ sikda hnon Yohanes bedya dara, meka dabsilyek senemek.

LUKAS 5:30

Parisi nanga hnon, Yahudi Imik Neyung yuba neksin nanga hnon wene nang edya, sikda lek ganya bomeekanya, Yesus adya alja yuba doro diriga ban nang ek, ”Ugunda hekasa rupiah molowoka dosin nang ab, malya nang eb, neikaʾ delelum do?” aboka heibsik.

LUKAS 5:21

Dara wenyek, Yahudi nang eb, sikja Imik Neyung yuba neksin nang eb dara, sik moumen seiniwoka leldalamekja, ”Ban benera alda Imik Neyung si ak malya nenelamlaʾ anasa, alda heknya do? Imik Neyung ak hnonok malya unaʾ doboka boboganasuso bok anasa, nim ak dara, sikenek ab meewanggunuseng bok bar,” alamek.

MARKUS 16:18

sikda bagaʾ soruka salawoka, nimi somoknaʾ meka delemeijaʾ anaba, somoknaʾ damoka sikenek mekaʾ yanggunumla. Sikda nimi neiklemeijaʾ ak, soruka dililemeija enyek, neiklemeija nim era, gobdo merelemnemak,” wenyaboka lebsuk.

MARKUS 3:22

Dara nimi yuba neksin nang Yerusalem heikek ab yeilimek nang edya dara, ”Ban benera Beelzebul bek gologamla! Anya bisaʾ dubnya bedya bisaʾ arobaʾ yaklamla,” alamek.

MARKUS 1:45

Bok ban hwemoknya bedya dara, hyak nauba yeiriwoka yokok-yokok sam hwebnel aboka nekdo yabalamokaʾ adya, Yesus ara nauba heikek ara laga lanal yanggumok. Alda doknowoka gakdenaʾ gokgobok sam uro yabalamok. Bok anyek babya nimi nauba yok-yok mok ebaʾ ara alak yaldibilloklomek.

YOHANES 3:10

Yesus adya alak, ”Anda Israeli nim emba yuba neksinya ululam bok, nera elgom ululam de?

RASUL 5:34

Bok, Yahudi nang yuba sanaʾ gak nang gangganek ara, Parisinya, nimi si Gamaliel ulumok. Alda hyak Yahudi nang Imik Neyung yuba neksinya uboka, nimi nidyaʾ ara alak pe keboka, alda dubnya so ulumok. Dara, benedya sekoka, na yuba sabnamna anasa, Yesus adya yuba len nang era seʾ beiyek bo bululum aboka orugusuk.