LUKAS 4:27 - PERJANJIAN BARU NALCA YUBA

²⁷ Anya onoʾ ununumnaʾ lenya Elisa ulumok salek eneba, Israel sam ara nimi nauba bokaʾ ak gororomaʾ delesuk nimi hnon bok, sikda hnonok sibin anaba bokaʾ donaʾ orok bok, alda Siria nanga Naaman bek hnonok bokaʾ domok,” wenyaboka neksuk.

LUKAS 4:27 Referans Kwoze

YOHANES 17:12

Nara sikeneblaboka neikaʾ ulumouba salek era, ban anja nak elegenulum si migib edya, nara sikenek bleboka pe bo ulusisa. Nadya pe beiyiboka bo ulusisa dara, Imik Neyung yuba momnya dobokaʾ gigiwolulaʾ aboka, weininggeldanaʾ geknemoknya nok, hnonok seleb weiningdok,” hyok.

MATIUS 12:4

Daud bera Imik Neyung ek sam wekoka, Imik Neyung amba aboka beillilemek roti gwaneng era doboka delemok. Alda nunja yub ak sam momnya dobokaʾ ara, Daud beneba, alab neikaʾ ulumek nang eb dara, gwaneng era denggunuseng, alda Imik Neyung yuba lenaʾ gak nang edya ok deneseng gwaneng enyekaʾ, anyek delemek.

MATIUS 8:3

Dara Yesus adya benyek salawoka lebokaʾ ara, ”Nara or senewan. Anasa bokaʾ or dobgolul e!” hyok. Dara wene sab-sab gororomaʾ delemokaʾ ara dengaro lobok.

LUKAS 4:28

Ban wenyaboka lebokaʾ anyek, Yahudi nim edya yuba don ek an yuba longomek nim era kebek dara, hyak yu ganya bobek.