LUKAS 4:20 - PERJANJIAN BARU NALCA YUBA

²⁰ Wera seleb dara, buku siklewoka Imik Neyung e wa wenaʾ amba wa bomoknya bek saaboka elegok dara, alda bukuk. Dara, nimi nidyaʾ Imik Neyung ek an bukumek nim edya heng mandebnaʾ era alak keeboka ngeklumek.

LUKAS 4:20 Referans Kwoze

LUKAS 4:17

Dara, ununumnaʾ lenya Yesaya buku ek doboka alak elegemek dara, alda buku gelebookanya, alda ban yub en wenyaro momnya dobokaʾ digum anyek ara,

YOHANES 8:2

Onoʾ Yesus maboka gwelegok dara, hyak lugunaʾ nong enyek, Yerusalem heikek Imik Neyung ek yeilimok. Dara, nimi nauba al damak mamagal yeilimek dara, alda bukoka, onoʾ Imik Neyung yuba sikenek lelesuk.

LUKAS 19:48

Bok obnemab senen pik era eibnenggumek. Nimi nidyaʾ ara Yesus adya lelemok yub enyek, perob senewoka ganya goluwoka, alja yub enyek pe kelemekaʾ anasa, pika eibnenggumek.

LUKAS 5:3

Wera Yesus ara mek ekla bunaʾ ak welewoka Simon bek, ”Anja mek ekla bunaʾ era seʾ bukna anasa, mek gek ab mek ek wekdo doroganelom,” aboka molomok. Dara Yesus ara, mek ekla bunaʾ lom enyegan bukoka, nim ek Imik Neyung yuba neksuk.

MATIUS 26:55

Dara Yesus adya nimi nauba anyagan alak obnobaʾ aboka yek nang ek, ”Ugunja dara, nara nim onaʾanya senewoka oldan gab ab doluknaʾ mal gal eb bo bo yeililum de? Dara, lika sobaʾ nara Imik Neyung e eremek sam neklesino bok, nak ara henga goubnenggulunulum!

RASUL 16:13

Pilipi ulumoub salek Sabat mem sum dok dara, Yahudi nang edya anyagan Imik Neyung ak mololomak ak senemoub ak mek gwana longomokaʾ ak heik gokgobok sam bilimouba. Dara, nunda anyagan ulumek gelewa gong danyeb neikaʾ yuba saro bulumouba.

RASUL 3:12

Wera, Petrus bera nimi nauba eiyimok dara, sikenek, ”Wei ugunda Israeli nim o, ugunda hekasa ban unumlaʾ ak loka dasil do? Ugunda hekasa nuk ngekellublesulum do? Ban nonga heiboknya bera nunja migib edya gom, nunda hyak pe ulunam adya gom, yan ingi yabalamla senelum de.

MATIUS 27:60

Anya Yusuf bera, alja orowek hoklomok girik lomok meinik sam doronggok. An unu doronggoka, senenggom girik edya pik ara gasa dangawoka serek loboka byuk.

LUKAS 4:21

Dara Yesus ara sikenek an wenyaboka nek einiwousuk, ”An Yesaya yuba momnya dobokaʾ damok ara, sumen ugunuk an keblum dara, wera seleb gigiwal,” hyok.