LUKAS 3:2 - PERJANJIAN BARU NALCA YUBA

² Dara Hanas beb, Kayafas beb dara, Imik Neyung yuba wa gakaʾ dub nang dangarek salek, Imik Neyung yub ara Zakharia mamnya, Yohanes bek hwalek sam mok yok.

LUKAS 3:2 Referans Kwoze

RASUL 4:6

Dara, sikda Yahudi nang Imik Neyung yuba wa gakaʾ dubnya Hanas beb, Kayafas beb, Yohanes be hnon, Aleksander beb, Hanas al nang yilaʾ nidyaʾ ara, mamagomek.

YOHANES 18:24

Wera Yahudi yuba wa gakaʾ dubnya Hanas bedya, Yesus ara gasa heng gebman, Yahudi Imik Neyung yuba wa gakaʾ dubnya Kayafas bek bo bululum aboka orugosuk.

LUKAS 1:80

Dara me nera, nauba nebgiga balamookanya, ganya lomok anaba nauba kaboka nebgiga balamok. Anya alda hwalek ok ulwenelemokaʾ ara, nim ak laga danamok sum era geknewok dara, ban sum ok wera laga nenebdok.

YOHANES 1:23

Alda wenhyok, ”Ununumnaʾ lelemoknya Yesaya wenyamok sok lebsin, Nara gasak sokok ulumnakanya, Wenelesilnya alja pik jong peiyiwolulum aboka lelenanya ulumna,” hyok.

MATIUS 26:3

Dara neik salek era, Yahudi Imik Neyung yuba wa gakaʾ dub nang eb, Yahudi dub nang eb dara, Imik Neyung yuba wa gaknya dubnya, Kayafas be ulumokaʾ ak, dub nang un ek longomek.

MATIUS 11:7

Wera Yohanes Pembaptis bedya yuba dolomek nang era seleb Yohanes bek, Yesus ara anaso unulamla aboka nekdo byik dara, Yesus ara anyagan nimi nauba ulumek nimi gong ek Yohanes bemba geklewoka lebokja, ”Ugunda hwalek sam balalumaʾ ara hekaʾ ak eibnobaʾ aboka balalum do? Walenja anyek kaboʾ adya bo yabalyaʾ ak eibnobaʾ aboka balalum de?

MARKUS 1:2

Ban perobaʾ lero yanggan yub era, ununumnaʾ lenya Yesaya bedya, Imik Neyung adya lemokaʾ anyek momnya dobokaʾ ara, ”Nadya wa wenya bera, anda loboka men anja pik yarawogululaʾ aboka, alak bokol binimna.