LUKAS 23:2 - PERJANJIAN BARU NALCA YUBA

² Bo biniboka wera sondaʾ amba miniwoka Yesus ara unulamla-unulamla aboka yana kiboka lelemek. Anya sikja dara, ”Ban benera nunda Yahudi nimi sokok an malya nenelesilaʾ ak eillilemabnya bera an,” alamek. Alak danyek, ”Nara Kristus dubnya ulumnaʾ, alamlakanya, Kaisar dubnya bek ara ugunja dara, rupiah eleknaʾ ara mem, aboka yuba seklamla,” aboka lelemek.

LUKAS 23:2 Referans Kwoze

YOHANES 19:12

Ban kemok dara, Pilatus bedya Yesus ak henga lob lobnunaʾ aboka dul yabok bok, Yahudi nim edya, ”Ban benyek henga lobnelam dara, wera anda Kaisar bedya alja hemyab unggulumenaʾ adya ubnelam. Nara dubnya aldalananya alda Kaisar bek isaʾanya ulumlaʾ adya lelelabok anasa,” aboka ngeboka lelemek.

LUKAS 23:14

Dara sikenek lebsukaʾ ara, ”Ugunda ban benyek nak bo yeiniboka, alda hyak nimi nauba malya nenelesil hunulum. Wera nadya aljaʾ hogung ab yana lelewan bok, ugunja alda anaso-anaso malya unaʾ unulamla aboka yana kilumnya nera mekaʾ eibnenggubna.

RASUL 24:5

Nunja laga gaboka eillilimab ara Paulus bek dara, alda hyak soko me yok-yok soko nidyaʾ alja adya malya nenewoka dolul meneklamla. Onoʾ alda Nazaret mok eb lanabok mal gaknya ulumla.

YOHANES 18:30

Dara sikja, ”Alda malya unaʾ orok dara, alak unuwoka anda mok soko dubnya bek bo yanggunusibya,” hyek.

MARKUS 12:17

Anasa, Yesus ara sikenek lebsukaʾ ara, ”Wera anasa, Kaisar dubnya wenesinya bedyinya nera, dubnya Kaisar bek elegolulum. Anya, Imik Neyung adyinya nera, Imik Neyung ak elegolulum,” hyok. Dara sikda alja wenyaboka neksukaʾ anyek, sikda hyak loka dabsuk.

MATIUS 22:21

Wenyek sikja, ”Dubnya Kaisar benyaʾ,” hyek. Dara Yesus adya sikenek, ”Anasa wera ugunda dubnya bedyinya nera dubnya bek eleganalum bok, Imik Neyung adyinya nera Imik Neyung ak eleganalum,” hyok.

RASUL 24:13

Wera onoʾ sik Yahudi nang edya anaba, Paulus alja malya unulamla damok era ban aboka anak laga nekgenaʾ ara orok.

LUKAS 23:5

Bok nimi nauba hyak dukaʾ lolowoka lelemekja, ”Alja neklesil yub edya, nimi nauba Yudea sam malya nenero yousuk, men dara Galilea mok eb einimokaʾ ara, wera nunjaʾ ak an lero unulusilaʾ an,” aboka lelemek.

MATIUS 17:27

Bok nuk dara, rupiah dolomak nang ganya angwei seneweijek aboka, lobnenggunumab. Anda mek gwanek sam hadyaʾ dol binilam. Men dobmen hadyaʾ enyek doboka beibnelam. Dara, nunja beibnenam rupiah era, hadyaʾ en sibamaʾ ak an bomlyaʾ ak eibnelam. Dara rupiah enyek, dobmenekanya, nunda Imik Neyung ek weknemeibyaʾ amba, rupiah dobnobaʾ aboka welemak nim ek eleganesilim,” hyok.

MATIUS 27:11

Wera Yesus ara bo balamekaʾ ara, Yudea mok soko dubnya Pilatus bek bo byik. Dara, Pilatus bedya Yesus ak, ”Anak Yahudi nang dubnya ululam de?” wenyaboka heibok. Wenyek Yesus ara, ”Alan anja seleb lelam an,” hyok.

MARKUS 15:2

Dara Pilatus bera Yesus ak, ”Anda Yahudi nimi dubnya ululam de?” wenyaboka heibuk. Wenyek Yesus ara, ”Alan, anja leblam an,” hyok.

YOHANES 18:29

Anasa, Pilatus bera beiyik goboka yibiniboka, ”Ugunda hekasa benyek hek damok emba yana kiboka bo yeililum do?” aboka heibsuk.

ROMA 13:7

Anasa anda nidyaʾ yok nang ek anja deklemnelamnya nera, yokaʾ amba leboka dololanya bek, wera yokaʾ amba leboka deknaʾ benyek an deklelom. Mok soko amba dara, mok soko amba donaʾ geknewanalanya bek an deklemnelam. Lok ganya bonaʾ amba dara, lok ganya bonaʾ geknewanalanya bek deklemnelam. Gibnaʾ amba dara, gibnaʾ amba donaʾ geknewanalanya bek eleklemnelam.