LUKAS 22:52 - PERJANJIAN BARU NALCA YUBA

⁵² Dara onoʾ Yesus ara, yuba wa gakaʾ dub nang eb, Imik Neyung gibnaʾ e bo diri ulumek nang eb, Yahudi dub nang alak henga goubnobaʾ aboka yeilimek nang ek, ”Ugunja dara, nara hokaʾ doboka nim ololanya senenulumukanya, henga goubnenobaʾ aboka, mal dibaʾ gab ab, doluknaʾ gamaʾ ab bo yeililum de?

LUKAS 22:52 Referans Kwoze

LUKAS 22:4

Anasa wera Yudas bera alda biniboka yuba wa gakaʾ dub nang eb, Imik Neyung e bo diri ulumek nang eb, Yesus ara hekaʾ huboka obnelum aboka yuba dil binimok yuba saboka sunuwanobaʾ aboka byuk.

RASUL 5:26

Dara, diri ulumek nang dubnya beb, alak aralamek nang eb biniboka, Imik Neyung yuba doboka lelemek nim ek onsok bo yeilisik. Bok, sikda dukaʾ lolom-lolom anaʾ loboka, or namenaʾ bo yeilimek. Nera yeiriwoka henga goubuka ul yabibya dara, nimi nauba ulumak nim edya nuk girik adya obsijek aboka gelelenga namenaʾ bo yeilimek.

YOHANES 17:12

Nara sikeneblaboka neikaʾ ulumouba salek era, ban anja nak elegenulum si migib edya, nara sikenek bleboka pe bo ulusisa. Nadya pe beiyiboka bo ulusisa dara, Imik Neyung yuba momnya dobokaʾ gigiwolulaʾ aboka, weininggeldanaʾ geknemoknya nok, hnonok seleb weiningdok,” hyok.

MATIUS 26:55

Dara Yesus adya nimi nauba anyagan alak obnobaʾ aboka yek nang ek, ”Ugunja dara, nara nim onaʾanya senewoka oldan gab ab doluknaʾ mal gal eb bo bo yeililum de? Dara, lika sobaʾ nara Imik Neyung e eremek sam neklesino bok, nak ara henga goubnenggulunulum!

MATIUS 26:47

Yesus anam wenyaboka yuba salamok salek, alja obadya yuba doro diriga ban nang ben hnon, alja si Yudas beb, nimi yok nim nauba hnon, oldan gab eb doluknaʾ gal mal ab bomek nang edya, neikaʾ alablaboka yek. Wera nang dara, Imik Neyung yuba wa gakaʾ dub nang eb, mok soko dub nang eb dadya, orugeisik nang.

LUKAS 22:37

Anasa ugunuk dib lebsin, Imik Neyung yuba lero momnya dobokja, Alda malya unaʾanya beneso nenewek hyoknya nera, nak an nidyaʾ gigiwoka unuwanamla. Anasa Imik Neyung yuba bukuk sam nasamba geklewoka momnya dobokaʾ ara, wera an seleb gigiwoka unul yibel an,” hyok.

LUKAS 22:51

Bok Yesus adya, ”Seleb e,” aboka onoʾ onsok soruka salawoka o meklaʾ era dirigoka hwebok.

LUKAS 22:53

Lika sobaʾ nara ugunub neikaʾ Imik Neyung ek sam ulumouba bok, ugunda nak ara henga goubnenggunulum. Bok, gunaʾ migib anyek hyak perobaʾ dangoka yeiriwanamla sum geknewalaʾ ara wera ugunda an unul yabalum,” hyok.