LUKAS 22:20 - PERJANJIAN BARU NALCA YUBA

²⁰ Anaso neikek seleb debgogowek dara, meka gweboka beiyimokaʾ ara neikaʾ delemek nang sikenek lebokja, ”Ban mek enedya wenyok unuwanamna anaʾ era pik mourunaʾ dibaʾ yarawal. Nadya eneng edya, mek eneng enera ugunsamba leboka yeksin,” hyok.

LUKAS 22:20 Referans Kwoze

1 KORINTUS 11:25

Neikso, seleb debgogomek dara, mek hmeiya doboka lebokja, ”Ban mek hmeiya era, nadya eneng ek anasa, wenyek wenyaldan yuba beknaʾ era an. Ugunda ban beknaʾ meka delemun dara, nak beklenumunukanya, delemnelum.”

MATIUS 26:28

Ban eneng enera, Imik Neyung adya nimi nauba blebnamlakanya, sikja malya unaʾ era sikenek ab sobaʾ memelemnesil amokaʾ ara an.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

IBRANI 12:24

anya wenyok yuba bo yanggannya Yesus bek ab, dara Habel bedya eneng era hmeng so, alda hyak yeiriwoka migibaʾ salamla enenga, lobol goulusin eneng ek sam, seleb youlum.

2 KORINTUS 3:6

Imik Neyung adya nadya wenyok ugunub dibaʾ wenyaldan yuba wa pe webnelum aboka migibaʾ nuk elegosuk. Ban wenyok yub era, momnya dobokaʾ ak unggululabok, alda ganya ak ulumla. Dara momnya dorob yub era somogollilisil bok, ganya ak yub era embengaʾ eleklesil.

IBRANI 9:15

Wera anasa, men youmaʾ unuwanalum an yub ulumoka wenyek, nimi nauba malya dangoka igina kwelesuknya nek ab blebsununaʾ aboka, Kristus ara somogok. Dara wera, nimi nidyaʾ Imik Neyung adya youboka dolosil nim era, Imik Neyung adyaʾ denghenggunumla bonaʾ eleganesin amokaʾ anyek dobnokaʾ aboka, Kristus ara, wenyok unubdanamab yub ek nu an ulumab nim eb danasa hnoumunga wiknenanya ulumla.

MARKUS 14:24

Anya alda sikenek, ”Nadya eneng era ban, Imik Neyung adya unubdanamab aboka wenyamok eneng era, nimi nauba amba yeksin.