LUKAS 21:36 - PERJANJIAN BARU NALCA YUBA

³⁶ Ugunda yokaʾ-yokaʾ eimik nimi dibaʾ me yanamla sum unuwanamlaʾ ak ab goboka binobaʾ aboka hnon, nimi dibnaʾ me saramek seknobaʾ aboka hnon, wenyek heng uboka molowoka pe diri uldalalulum,” hyok.

LUKAS 21:36 Referans Kwoze

1 YOHANES 2:28

Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

MATIUS 25:13

Anasa, Yesus ara wenyaboka sununaʾ en lebdakokaʾ ara, ”Dara, Imik Neyung yanggan sum era, heksum, hek jam ek yanamlaʾ ara elgom ululumaʾ anasa, sobaʾ pe diri ulululum,” hyok.

MATIUS 24:42

Wenelesilnya be yanggan sum era, ugunda elgom ululumaʾ anasa, hyak pe keeboka diri ulululum.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

1 KORINTUS 16:13

Ugunda hyak yuba dib senelemak nimi geknebaʾ pe keebmouboka ganya kaboka pe ulululum. Asaʾ ganya boboka, migibaʾ anyek unulululum.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

MARKUS 13:33

Hek sum unnuwanamlaʾ ara, ugunda elgom ululum bok anasa, ugunda pe keeboka diri ulumnulum.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.

MATIUS 26:41

Ugunda nimi sunulusilaʾ lomok sam malyinggumunuk aboka, diri bukoka sobaʾ mololelulum. Nimi ganya ak dara, unuwanesinya senen bok, nong ak dara, hmeng ulumla,” hyok.

1 TESALONIKA 5:17

Sob-sobaʾ molololulum.

MARKUS 13:37

Nadya ugunuk an pe diri ulululum hesinya nenera, onoʾ nimi nidyaʾ yok nim ek anaba, pe diri ulululum wenyalamna,” hyok.

2 TIMOTIUS 4:5

Bok anak dara, nidyaʾ yokaʾ-yokaʾ lanalamla ak ab, ganya pe siklewoka diri ululom. Anda Imik Neyung bedya wa wennya dibaʾ uboka, yokaʾ-yokaʾ igina kwelenggel bok pe kaboka ululom. Anda perob lero yanggan yuba len wa hyak pe lelewoka welelom. Anak elegenjok wa nidyaʾ anyek, sobaʾ luka bongoldililom.

KOLOSE 4:2

Heng uboka molonaʾ ak dara, bojam ulmoublululum. Anya, perob aboka giblemunukanya, pe diri uldalalalulum.

RASUL 10:2

Alda Imik Neyung ak lok ganya boboka ulumookanya, alja mab eb nimi nidyaʾ neik so lok ganya boboka pe ulumek. Alda Yahudi nimi bok bonaʾ garan ulumek nim ek arawoka, onoʾ alda Imik Neyung ak hyak sobaʾ molomok.

LUKAS 20:35

eimik dibaʾ ulumnemakaʾ amba embengaʾ suboka bukiyiwanasil nang, eimik yenewanamla salek ulumnemak nang era, gela mekaʾ dobnenggunumak.

MATIUS 8:20

Wenyek Yesus adya dara, ”Bei gam ara selengaʾ e ulumlakanya, wining ara eʾ ululabok, nimi dibaʾ me ak dara, huka beilinaʾ amba ekla hnon unggulumla,” hyok.

MATIUS 24:43

Nimi ben hnon e damnya bedya, hokaʾ donaʾ nim era, ban salek enyek, nadya bonaʾ hokaʾ dol yanamak senewoka, welemnamso dara, bonaʾ dobnenggunusengaʾ anyek, ugunda ella dangoka beklemnelum.

MATIUS 24:44

Dara ugumbabya neikek, nimi dibaʾ me yanggan salek era, ugunda ban salek yanamlaʾ ara elgom anasa, ugunda pe keeboka diri ulululum,” hyok.

LUKAS 1:19

Dara onoʾ on lero enedya Zakharia bek, ”Na anera Gabriel, Imik Neyung al dam uboka aranaʾanya ulumna. Dara Imik Neyung adya Zakharia bek wenyal bilom aboka bokdo dorogonelaʾ ak, ban perob yub enera wenyal yeilinggen.

LUKAS 21:35

Ban sum era, nimi soko nanga nidyaʾ ak henga weboka youbnesinaʾ anasoʾ ak gelelenga yanamla.

2 KORINTUS 4:14

Wenelesilnya Yesus embengaʾ suboka bukiyiwok Imik Neyung enedya, Yesus pik uboka nub neikaʾ embengaʾ bukiyiwanesilekanya, onoʾ ugunub nub neikaʾ bo beil binisil.

WAHYU 6:17

Wera sikenek senenggomaʾ lero obnesil sum era seleb yal anasa, heknyek sobaʾ anyaʾ senewoka or sekmoubnamla do?

WAHYU 7:9

Nen seleb dara, nimi mandebnaʾ hyak einildaknaʾ oknaʾ anyek, senenggom dub ekla bunaʾ ak, domba me adya saramek seklemekaʾ ak eibsa. Dara, seklemek nim era, nidyaʾ yok-yok mok soko ulumak nim ek ab hnon, nidyaʾ yok-yok nimi yilaʾ ulumakaʾ ek ab hnon, nidyaʾ sikja nimigumaʾ yok-yok unulumak nim ek ab hnon, nidyaʾ yok-yok yuba salamak nim ek ab hnon, an nimi gong danyek ulumek. Sikda geisa dolungnaʾ akleng ongowoka, anya yokol meklaʾ sikja soruk ak leb salawoka bo seklemek.

WAHYU 8:2

Dara sekbadya lero nang Imik Neyung saramek seklemek nang ek, poo anaʾ benggonga sekbadya elegosukaʾ ak eibsa.

WAHYU 11:4

Wera sik an nang era, Zaitun gal penya ab, uka dininaʾ penya ab dara, Wenelesilnya nidyaʾ im soko yangawoknya bedya saramek sam ulurakaʾ ara an.